انا مبتدئه فى السواقه وعايزة اشترى عربيه محتارة اجيب الفيات 128 مستعمله اتعلم عليها ولا اكون جريئه واجيب كيا بيكانتو لاان شكلها عاجبنى قوى ردوا على بسرعه وعكمان عايزة اعرف سعر البيكانتو المانوال بكام ولو انا عايزة اجيبها تقسيط ادفع كام بالضبط قسط لو دفعت مقدم 20 الف
|
طالما في امكانياتك تجيبي عربيه زيرو او عربيه حديثه يبقي ابعدي عن العربيات القديمه
لانها لو حالتها مش تمام حتطلع عينك معاها و حتكرهك في السواقه
و حتتعلمي غلط و مش حتعرفي تسوقي صح بعد كده.
غير كده انتي بنت و مش حمل تتبهدلي و العربيه تعطل منك في نص الشارع و الافلام دي
البيكانتو المانيوال فيه منها فئتين
فئه مافيهاش كماليات خالص و دي ب 55 الف
و فئه تانيه تكيف و باور و كاسيت ب 60 الف
طبعا الفئه التانيه افضل
بالنسبه للتقسيط مش حقدر افيدك
لكن ممكن تزوري الموقع دا و عندهم برامج للتقسيط
دا موقع شركه كونتاكت اللي انا جايب منها الياريس من سنيتن
عموما شوفي العرض و الفائده عندهم و خدي لفه في البنوك
واقل فائده اتعاملي معاهم
www.contactcars.com