رد: أوعى تسوق وانت عايز تنام
والله يا بهوات الواحد مش ممكن يضحى بأهلة ونفسة والعربية علشان أنا مانمتش كويس لا لازم اكون قد المسئولية تمام علشان الناس دى فى رقبتى فلو أنا مسافر بالاولاد لازم انام واخد راحتى كويس
طب أنا كنت رايح الاسكندرية انا والاولاد يوم افرحهم وارجع تانى يوم وكان المفروض امشى من البيت الساعة 5.30 الصبح والله والله والله انا معرفتش انام ولما عينى راحت فى النوم كنا الصبح المدام مرضتش تصحينى أنا والاولاد الا لما اقوم لوحدى علشان اخد راحتى على الاخر ولما قولتلها كنتى صحينى قالت لا علشان انت اللى هتسوق وفى نص السكة ممكن تنام مننا هنعمل اية ومشينا والله الساعة 3.30 العصر وكنت فى المعمورة قبل العشا
وعلى فكرة مش لازم ابدا لما تكون سايق مسافة طويلة انك تشغل اغنية هادئة لا يفضل اغانى فيها دوشة وخبط ورزع علشان تصحصح وتتدخل استراحة كل فترة لغسل الوجة واليدين او الوضوء والصلاة دة احسن حاجة
وربنا يكفينا جميعا شر الطرق
تحياتى
|