[ahmed_zamalek7]

المشاركة الأصلية كتبت بواسطة AbOnOrA مش بس التكنولوجيا الحديثة برضو معايير اصيلة(قديمة) مازلت الشركات الالمانية محافظة عليها بنسبة كبيرة على سبيل المثال المحركات والات الجر واعتماد انظمة الدفع الخلفى وانظمة الثبات والفرامل وتكنولوجيا الامان وتوزيع الوزن ديه كلها حاجات الالمان مبيهرجوش فيها فعلاً لكن زى ما قولت وقال الاستاذ ابو الخل فى النهاية تكلفة اقتناء التكنولوجيا والمزايا دية باهظة مش بس غالية خاصة ان التكاليف بتبقى عالية حتى على اهيف اكسسوار يعنى فى البى ام مثلاً (الحديث برضو مش بتكلم عن القديم) توزيع الوزن ثابت فى كل الموديلات تقريباً 50:50 انظمة الثبات عبقرية بمعنى الكلمة وسريعة الاستجابة واكثر دقة بشكل ملحوظ مقارنة بالاسيوى ويكفى انها محافظة على انتاج سيارتها بالدفع الخلفى لكن ايه علاقة ده كلة بان تمن الفانوس مثلاً او قطعة فيبر فى اكسسوارات الحوض تمنها يبقى 4 - 5 اضعاف العادى فى عربيات تانية !!! مثال تانى البى ام الفئه التالتة E90 والفولكس الباسات والجيتا كانو من اوائل العربيات اللى نقدر نقول انها متوسطة (فى الفئة ديه) وتنزل بفتيس 6 سرعات لكن فى المقابل كم مشاكل الفتايس ديه قد ايه وخصوصاً مشكلة ال Valvetronic اللى بتخليك ساعات تتضطر تغير الفتيس كله او وحدة الفالفترونيك كلها ده لو متوفرة فى بلدك ويبقى ايه احساسك لما تكون شارى عربيه بالقيمة السعرية ديه وتبقى عندك مشكلة فى الفتيس اصلاً !!! ده برضو بالنسبة للمشاكل الشائعة لكن غير كدة فيه بلاوى كتير واعرف ناس كرهت عيشتها بسبب العربيات ديه للاسف وبرضو مش معنى كدة انها عربيات ملهاش لازمة وحرام فيها الفلوس زى ما ناس ممكن تغالى فى مواقفها وتقول كدة لكن هى فعلاً اقل اعتمادية من الموديلات القديمة ومن السمعة المعروفة عن الالمانى القديم يعنى نقدر نقول ان معادلة العربيات الالمانى زمان كانت فخامة + اداء + سعر عالى + اعتمادية كبيرة ودلوقتى بقت فخامة + اداء + سعر عالى جداً + اعتمادية اقل

كلامك صح بس اعتقد عدا المرسيدس مازالت اعتماديه بشكل كبير ده غير ان اعطلها قليله جدا