رد: احذروا ناشيونال موتورز النصابين
الله يكون في عونك
طبعا بما انك جايب العربية من ناشيونال فاغلب الظن انها خليجي و معليهاش ضمان و لو وديتها التوكيل تصليحها و حتي الكشف عليها هيكون علي حسابك.
المهم دلوقتي لازم حد كويس و فاهم يكشف علي العربية عشان تقدر تحصر كل المشاكل و العيوب اللي في العربية و يقولك لو العربية دي عاملة حادثة مثلا قبل كدة او لا و يستحسن اللي يعمل كده يكون التوكيل او مركز معتمد و تاخد تقرير بالكلام ده كلة. و بالتقرير ده تبتدي تتكلم مع ناشيونال و تطلب تغيير العربية و لو رفضوا او عصلجوا مليكش الا حماية المستهلك.
بس انا عندي نقطتين عايز الومك عليهم
1- ازاي تستلم العربية اساسا و هي بمفتاح واحد انا شايف ان ده اكبر غلطة انت عملتها. انت لو بصيت في الكتالوج هيقولك ان في مفتاح تاني و احيانا تالت كمان. بس خلاص قدر الله و ما شاء فعل
2- انا مقدر و متخيل شعورك و مقدر كمية الغضب و الحسرة اللي جواك بس ده مش دافع انك تحط الموضوع في اكتر من قسم من اقسام المنتدي.
ارجو انك تتقبل كلامي بصدر رحب
و ان شاء الله ربنا يسهلهالك و تخلص من الموضوع ده بسرعة
__________________
Sharief Mansy
Farewell my Cayenne, you were the best car i ever had and driven
|