[د/محمود عبدالمقصود]

السلام عليكم
لا دي ولا دي
اوبل استرا سيدان انجوي ب 173 الف احسن منهم ليه
الفورد فوكس نفس مواصفات مصر لكن محرك 2000 سي سي اول فئه اقسم بالله في السعوديه ب53 الف ريال يعني سعرها95 الف جنيه يعني لو حتستوردها على حسابك تخلص على 160 الف جنيه بكل المصاريف بالشاي بتاع العمال .لكن التوكيل الجشع بيتحجج بزيادة الدولار و بيبعها ب175 الف محرك 1600 سي سي يعني قمة الاستغلال و النصب و الله اعلم + الفورد فوكس مصر متشال منها كمبيوتر المعلومات ذو العرض الجميل ثلاثي الابعاد و محطوط بداله واحد شكله مقرف و كمان الازاز اللي ورا مش كهرباء تخيل !!! عربيه ب 175 الف ازازها اللي ورا يدوي

الاوكتافيا
اعتماديه و واسعه و شكلها حلو اوكيه بس محرك 102 حصان بس و كمان مش نفس فخامة الاوبل استرا سيدان من جوه مش حلوه اوي عاديه و من بره مش افخم من الاسترا و اغلى من الاوبل استرا سيدان

الاوبل استرا سيدان فخمه منتشره جدا في 6 اوكتوبر, و في منها كتير مش كتير اوي يعني بس في منها في الاسكندريه
اوبل استرا سيدان (اول فئه انجوي ) بسعر 173الف
محرك 1600سي سي بقوة 115 حصان
مصفحه من الاسفل
نظام esp (فرمله اليكترونيه لمنع ازلاق السياره و الحفاظ على الثبات )
نظام abs
4 ايرباج
اهم حاجه جير اوتوماتيك 6 سرعات استيبترونك عادي لكن الفوكس الجير بتاعها زي بتاع الفولكس واجن فيه 2 كلتش dsg و ده بيحتاج يتغير كل 10 الاف كيلو مشكله لأن المفروض ادائه رياضي فبدل ما ينقل من جير للتاني بكلتش واحد بينقل اسرع باستخدام كلتشين و طبعا هنا في مصر يجي الجير ينقل من الكلتش الاول للتاني تروح حضرتك واقف بسبب الزحمه ...مره مع التانيه مع التالته يخرب الجير

شاشة كمبيوتر معلومات و اعطال
حساسات ركن خلفي
انوار ضباب
الزجاج كله كهرباء
الشنطه واسعععععععععععععععععععععع ععععععه جدا جدا و بتفتح للاخر بضغطة زر الرموت لوحدها عشان لو شايل حاجات ثقيله مثلا
جنوط 16 عاديه و بيجي معاها غطيان ..انا بشوف انها ميزه ليه عشان ممكن كل فتره و فتره تشتري لها غطيان رخيصه و تغير في شكلها لكن لو عايز جنوط 17 رياضيه فعليك بالفئه الاعلى