رد: هو الفكر وقف
عشان تقوم أي صناعة بشكل حقيقي لازم تهيأ الأرضية المناسبة للإنتاج
بمعنى
لازم تعمل صناعات تانية تخدم الصناعة الأم... اللي عشان تشتغل لازم تجيب مكوناتها من جوه البلد... مش من بره
لو مسكت أي صناعة ناجحة (أو كانت ناجحة) في مصر.. هتلاقيها زي ما بقوللك كده... مثلا.. صناعة النسيج والملابس
الملابس متكونة من قماش (نسيج) ...والنسيج متكون من خيوط.. والخيوط بتتعمل من القطن
لو عندك قطن
لو عندك مصانع غزل تعمل الخيوط
لو عندك مصانع نسيج تعمل القماش
لو عندك مدارس وكليات تطلع ناس مؤهلة يشتغلوا في المصانع دي
والأهم من ده كله رؤية للأهداف
هيبقى عندك صناعة ملابس كويسة
طبق كل الكلام ده على صناعة السيارات... مش هتلاقي منه غير حاجتين... الكليات والمدارس (ودي مضروبة حاليا)... ومصانع التجميع اللي عايزة قطع الغيار اللي مش بتتصنع في مصر!!!
تفتكروا كده ممكن تقوم صناعة محترمة في يوم من الأيام قبل ما نوفر القاعدة الصناعية السليمة؟؟؟
الصين ناجحة لإنها عندها قاعدة صناعية من أقوى الصناعات في العالم... أي حاجة عايز تعملها هتلاقي ليها خامات ومصانع وورش تعملهالك زي ما انت عايز وبكميات تغرق أي سوق في العالم
ولو اتكلمت على الجودة ... فالصين أسرع بلاد العالم من ناحية التطوير... الحاجة اللي بتتعمل النهاردة بشكل دون المستوى هتلاقيها بكره أحسن بكتييييييييير
وكل ده عشان الدولة ليها هدف وسياسة واضحة في تشجيع الاقتصاد
لو عندنا ربع التشجيع اللي في الصين وثُمن الموارد اللي هناك ... هنلاقي مصر دي حاجة تانية خالص
...
|