المشاركة الأصلية كتبت بواسطة sam ram
هو موضوع العلاقه بين العزم و القوه ده مش سهل ... و محتاج حد متخصص يرد على حضرتك فيه ..
لكن كل اللي اقدر افيدك فيه بالنسبه للنقطه دي ...
إن العربيه منظومه متكامله ... الموضوع مش قوه موتور و عزم وبس
الوزن الاجمالي او نسبه القوه للوزن مهمه جدا
يعني مثلا الماتريكس و الفيرنا و الجيتس ليهم نفس الموتور .. لكن الماتريكس اتقلهم و بالتالي اقلهم في السرعه و التسارع بتاعها ابطاء
العزم بيفيد انه يوصل العربيه لقوتها بسلاسه ... علشان كده عربيات النقل عزمها عالي جدا علشان تستحمل الاوزان التقيله .... او مثلا لما تكون العربيه راكب فيها 4 او 5 ركاب و طالعه مطلع جامد ... العزم القوي بيساعد العربيه انها تطلع بسلاسه ..
لكن على حد علمي مش معنى العزم العالي ان العربيه يبقى تسارعها عالي (والله اعلم ) ...
لكن في حاجات تانيه كتير بتفرق في اداء العربيه
نسب التروس و نوع الفتيس
مقاس الكاوتش ..
عدد دورات الموتور اللي بتتحقق عندها القوه القصوى مهمه جدا
يعني مثلا عربيه بتحقق 100 حصان على 3000 دد ... و عربيه تانيه بتحقق 120 حصان على 4500 دد .... يبقى مين الاحسن فيهم ...
ممكن حضرتك تبص على الموضوع ده ...
هي معلومات بسيطه بشرح بسيط ... لكن ممكن توضح الفكره العامه ...
http://www.masrmotors.com/vb/showthread.php?t=3359
وفعلا زي ما قال لانسر ... التجربه هي اللي تقول اداء العربيه عامل ازاي ... خصوصا انها لسه جديده و محدش جربها ...
لأن مفيش حد يقدر يحكم على اداء عربيه من مواصفاتها الفنيه ... لكن بتكون مؤشر عام مش أكتر ...
|
الف شكر اخي على شرحك .. لان ده الكلام اللي كنت عايز اقوله
في جزئية هامة جدا وهي نسبة القوة والعزم المتوفرة عند الدورات المنخفضة
فمثلا في بعض السيارات مشهورة بانها بتوفر 80 % من عزمها عند 2000 لفة
ده طبعا بيدي احساس للي سايقها انها اقوى من سيارة ربما اقوى واكثر عزما ولكن لا تعطي اكثر 40 % من عزمها عند نفس عدد الدورات.
وبالنسبة لتسارع السيارة فاضبط قياس لمقارنة السيارات ببعضها في هذا الخصوص هو الوقت اللازم لقطع مسافة معينة مثلا الف متر.
اما عن الشيفرولية كروز السيارة يعيبها السعر نسبة للمواصفات
مميزاتها من وجهة نظري فضلا عن التصميم الهجومي الجذاب
زيادة في الحجم الكلي وفي طول قاعدة العجلات مما ينعكس على الرحابة الداخلية
الفتيس في الاتوماتيك 6 سرعات رغم عدم انعكاس هذا الامر على التسارع او استهلاك الوقود
اما عن عيوبها فهل يعقل ان تكون سيارة بهذا السعر ولا يوجد بها زجاج كهربائي بالخلف ؟؟
اين الوسائد الهوائية والايه بي اس والمقاعد الخلفية القابلة للطي في الاليجانس ؟؟؟
وبالمناسبة الموتور هو ذاته الموجود بالابترا ولكن طبعا استهلاكة اعلى نتيجة زيادة وزن السيارة وتسارعها اقل لذات السبب
الخلاصة
السيارة تم تخفيض كماليتها ( باستثناء الموديل الاعلى ) وفي المقابل تم تحسين تصميمها وزيادة حجمها.
لذا فمن وجهة نظري ارى ان سعرها مبالغ فيه باستثناء الفئة الاعلى منها( توب لاين) .. وكان من المتعين على التوكيل ان تطرح بداية من سعر 100 الف.