مشكلة عندى فى الصنى ما بتسحبش خالص
السلام عليكم يا جماعة
انا عندى نيسان صنى 2010 موديل B10 اتوماتيك عاملة 89 الف والعربية كانت كويسة لغاية من كام يوم.
فجأة العربية بقت ما بتسحبش خالص ودواسة البنزين تقيلة لما بكون واقف فى اشارة ولا زحمة لو اتوبيس ماشى جنبى بيسبقنى لغاية ما العربية تبدأ تاخد سرعة بعد وقت طويل.
وبطلت منى فى مرة وانا ماشى ببطى فى حتة زحمة زائد كمان ما بتدورش من اول مرة لازم مرتين تلاتة . وبتنطر فجأة وانا ماشى بيها بسرعة عالية ( نطرة غريبة كأنى دوست بنزين دوسه قوية) .
انا بصراحة خبرتى ضعيفة فى العربيات ومش عارف دة ممكن يكون اية.
لو حد ممكن يفيدنى ابقى شاكر ليكم جدا , لأنى عايز اوديها جراج بس عايز ابقى فاهم كويس قبل ما اروح.
|