المشاركة الأصلية كتبت بواسطة AbOnOrA
بص يا سيلفستر المازدا عربية (ركيبة) اغلب اللى بيشتريها بيبقى غاوى
زيها زى الهوندا والبى ام علشان كدة هتلاقى تفاوت كبير فى الاسعار حسب العرض والطلب مهياش ماسكة سعر محدد زى العربيات الكورى الشعبية مثلاً
فانت ممكن تلاقى واحدة 2009 كاملة مطلوب فيها تمنينات وممكن تلاقى زيها مطلوب فيها فوق المية خاصة لو عداد صغير ولون حلو وفابريكا بالكامل وصاحبها صارف عليها كماليات
المبلغ اللى معاك ده يجيبلك موديل 2007 - 2008 بالكتير وحالة محتاجة مصروف وعداد كبير وغالباً اللى بيبع هيطلب سبعينات يعنى هتوصل للسعر ده بعد الفصال كمان واظهار العيوب اللى فيها
وبصراحة العربيات الواحد مينصحش تشترى حالة وحشة فيها لانها بتصرف فى صيانتها وقطع غيارها وبتصرف فى توضيبها وتظبيطها خاصة لو اللى جايبها شاب وغاويها
فلو جبت واحد ياودب على قد امكانياتك هتحس انك مخنوق ومتكتف وعايز تعمل فيها شغل ومش قادر
غير كدة ممكن تفكر فى هوندا تسعينات او بداية الالفينات وبرضو متحطش كل فلوسك فى العربيه وخلى معاك فلوس لتظبيطها او صيانتها
|
انا معاك في كل الي انت قلتو
بس انا من ناحية تظبيط العربية انا كرهت ان عربيتي تكون مميزة عن اي عربية تانية
يعني انا لما اغير بأذن الله اخري فاميه ونمر سودا والبادجات وعدة الصوت والزينون والجنوط بس
اما عن اني اجيب عربية موديل واقع اوي كدا انا مش حابب الموضوع دا
والمازدا انا ركبت بتاعة واحد اعرفو علشان كدا عجبتني
وكنت اعرف واحد باع مازدا 3 2009 من حوالي سنة ب 70000 وكانت فابريكة برة وجوة وموتور حالتو كويسة