[AMMI]

اولا لو انت ناوى على 128 ومثلا موديل 90 فاقل يبقى انت تبقى عارف ان العربيه بقالها فوق 23 سنه ماشيه فى السوق وال 128 فيها عيب تصميمي وذلك لانها كانت من اوائل العربيات المصصمه على علب ونتيجه هذا العيب تظهر شروخ فى حوض العربيه وشروح فى الكارتيرات الخلفيه وشروخ فى الدواسات وما يعجل من ظهور هذا الشروخ هيه شوارعنا اللى مليانه مطبات. فالبالتالى اى عربيه 28 فديمه هتلاقى فيها الشروخ ديه او ان صاحبها لحمها ورش دواخل بس طالما اتعملت مظبوط خلاص هتمشيك فتره كويسه لحد ما تظهر تانى
بالنسبه لسعر العربيه 12 الف مش كتير خاصة ان فيها 4 فرد كاوتش دلوقتى سعرهم 1200
ومش محتاجه سمكره ولا دوكو والعفشه كويسه يعنى لو مختاجه حتى نص عمره ب 2000 جنيه مش وحش
لو عاوز عربيه تستحمل يبقى عليك ب 131 او الشاهين بس اكشف على الكرونه كويس وبالتوفيق