السلام علي كل اعضاء المنتدي الجميل . الواحد بجد بيستفيد من المنتديات عامة من كل واحد بيطرح تجربته وحلولها علشان يستفيد منه غيرها .
. فانا فعلا استفدت كتير لغاية ما الحمد لله جبت عربيه نوبيرا 2001 بيضاء اوتوماتيك ماتور 1600 سي سي . السعر 46الف و 500 العربيه مش راشه بره ولا جوه ( العتب بس من تحت والأكصدامات ) عربيه نضيفه مش متهانه فرشها الاصلي كاسيت الاصلي الفتيس جيد حتي الأن . 5 جنط الاسبور بتوعها الاصلي كاوتش 60% علبة المعدات الاصليه بتاعتها معاها علبه كده علي شكل نص دايره وراء الاستبن فيها كوريك وصليبة الفابريكا ( اول مره اشوفها موجوده مع نوبيرا ) . والحمد لله
نبدأ في العيوب امبير السرعه وعدادا الكيلوهات والعداد المؤقت مش شغاليين ( تم تغيير ترس السرعه الترس اللي تحت الحساس جبته ب 145 جنيه جي ام الاصلي وكهربائي 30 جنيه . لمبة الاعطال كانت منوره روحت لكهربائي عنده كمبيوتر قالي حساس ال اي جي ار egr بايظ وملغي راح مركبلي خرطوم صغير معرفشي من فين لفين راحت اللمبه طفت ولعب في الكمبيوتر وقالي كده تمام خلاص المشكله اتحلت ( والله اعلم ) بس العربيه تمام يعني . لما جبتها مكانشي فيها اي صوت . فللتجربه فولتها 80 من ساعتها كل لما اكون واقف او اهدي واجي اطلع بيها بسمع صوت كركره او نعره بسيطه في الموتور وبعد كده تروح وساعاة لأ برده . ركنتها يومين بدورها بليل لقيت العربيه بترعش جامد بطلتها ودورتها رعشت بسيط زودت بنزين راحت الرعشه بعد كده . في زجاج تقيل شويه في زجاج بيطلع مبينزلشي تظبيط لمض في الفوانيس . السماعات الجمب اليمين شغال كله الباب واللي ورا الجمب الشمال فاصل كله ممكن من التسجيل بس انا مش عارف اعدادات الظبط بتاعة ازاي هو كلاريون دايو الاصلي . ما رأيكم