قمت بحمد الله بتركيب مرايات ضم السوبر صالون لصني إي إكس بتعتي موديل 2012 الشكل القديم في مودرن موتورز أبو رواش, كان فهة ساعتها العرض بتاع 25 % على قطع الغيار و المصنعية.
طبعا تم تغيير المرايتين اليمين و الشمال بالكامل و مفتاح السويتش علشان زرار فتح و غلق المرايات ودي لمرايات الأصلية و المفتاح الأصلي بتوع السوبر صالون و تم شرائهم على أنهم قطع غيار مش إكسسوارات و سعرهم فى التوكيل:
مراية يمين = 520 ج
مراية شمال = 525 ج
سويتش المرايات = 220 ج على ما أتذكر
و مصنعية التركيب = 150ج
طبعا كل دا كان علية 25 % تخفيض علشان كنت في فترة العرض كان يومها أخر يوم فى العرض.
و أنا كنت مركب كفرات مرايات إشارة قبل كدا و ركبوهم على المريات الجديدة و الموضوع خد حوالي 5 ساعات على ما خلصوو هما شغلهم نضيف فعلا و الحمد لله مفيش أي مشاكل. و لما كنت بسأل قبل كدا على تركيب المرايات في السبع قالو مبنركبهاش و بيركبوها بس في مودرن و أوتو إيجيبت.
بس فعلا المرايات الضم أريح كتييير من العادية و تحس بالفخامة و اللي شجعنيأكتر على تركيبهم سعرهم لأني كنت فاكر إنهم أغلى من كدا بكتير.
طبعا المريات القديمة إدوهالي وانا ماشي و عنتهم.
أتمنى أن أكون أفدتكم.
منقول من الزميل العزيز
dr_ahmed_kaf