رد: أول ما أشترى عربية مستعملة أعمل فيها إيه
1- جميع الفلاتر (بنزين - هواء - زيت - وممكن تكيف لو عاوز)
2- بوجيهات
3- السيور (كاتينه - دينامو وياريت تغير البلية) سير التكيف مش مهم اوى لانه لو اتقطع مافيش فيه مشاكل
4- زيت موتور.
5- بص على زيت الفرامل والدبرياش وزيت الباور ستيرنج ولو عارف النوع الى كان بيتضاف زوده ولو مش عارف صفى الزيت بالكامل وغيره بنوع كويس.
6- زود الكاوتشات.
7- هتزود مياه الريداتير بمياه خضراء
لو محطوط للعربيه مياه عاديه هتفك الخرطوم وتصفى المياه وتحط مياه خضراء
8- اغسلها من تحت.
9- وديها على بنزينه وشحمها ونضف الموتور بكمبريسور.
انا بشترى قطع الغيار المهمه من التوكيل مثلا زى السير والبوجيهات وهكذا
الاسعار حسب ما انا بشتريها
سير دينامو: 63 جنية
سير باور تكيف: 72 جنية
سير كاتينة: 198 جنية
بلية شداد كاتينة: 210 جنية
فلتر زيت: 28 جنية
فلتر هواء: 55 جنية
فلتر بنزين: 55 جنية
بوجيهات: البوجية الواحد 14 جنية
كده الاربعه ب 56 جنية
انا نقلت الاسعار ده من الورقة بتاعه اخر صيانة غيرت فيها سيور وتقريبا الاسعار هتبقى قريبة منها
ومبروك مقدما
تحياتى 
التعديل الأخير تم بواسطة amir elgamal ; 19-01-2013 الساعة 11:16 PM
|