المشاركة الأصلية كتبت بواسطة محمود كامبا
انا روحت عند بنزينة موبيل عشان اعمل ظبط زواية و الراجل قالي مينفعش لازم الاول تلحم الكعب بتاع العربية عند اي سمكري و بعد كدا قالي هتعمل زرجينة و بعد كدا تيجي عشان تعمل ظبط زواية, المهم دلوقتي انا بقالي فترة محتار و بدور على سمكري نضيف و محترم و يكون اسعاره مش غالية اوي عشان عايز الحم العربية و عايز كمان يرد الباب على البارد.... ممكن اعرف اللحام و رد الباب بكام ؟ ياريت ضروري اعرف الاسعار و عايز اعرف سمكري محترم يا ريت حد يفيدني عشان انا في سمكري في مدينة نصر قالي هردلك الباب ب50 جنيه... هي كدا مش كتير ولا ايه ؟ مستني رد ضروري جدا و شكراااااااااااااااااااااا اااااا
|
ينهار ابيض رد الباب ب 50 جنية لييييه ده اخرها اخرها 20 او 25 جنية بالكتير اووى
بص حضرتك فيه سمكرى ممتاز جدا بس فى دار السلام واسعاره كويسه جدااااا الراجل ده فى دار السلام
وحضرتك لو فى مدينة نصر هتطلع على الدئرى
وتروح اتجاه اكتوبر وانت فى الطريق هتلاقى كرفور على شمالك هتفضل ماشى لغاية ما تلاقى نزلة دار السلام هتنزل منها هتلاقى نفسك فى زهراء دار السلام تفضل ماشى فى النزلة ديه و بعد كدا تكسر اول شمال يقابلك من عند البنزينة (بنزينة مصر) وتروح على دار السلام واسئل اى حد عاوز اروح شارع الجسر هو هتلاقيه فى مشيتك اول ما تدخل شارع الجسر هتلاقى الاول على جنب الطريق ناس بتوع جبس واسمنت وكده هتفضل ماشى حوالى 500 متر هتلاقى معهد طيبة نظم ومعلومات هتمشى سنه هتلاقى سمكرية و بوهيجية وكدا هتسأل اى حد هناك عاوز الاسطى على السمكرى هو جنبة على طول مدرسة اسمها صلاح الدين الخاصه هيقولولك اهو تقوله على اللى حضرتك عاوزه هيعملهولك كله واسعاره كلها بجد ممتازه بمعنى الكلمه فعلا وراجل طيب ومع الاسطى نبيل شاب شغال معاه برضوا كويس جداااا
واى استفسار ده رقمى 01007490168 وحضرتك راجع هترجع برضوا تطلع على الدائرى وتروح مدينة نصر تانى