المشاركة الأصلية كتبت بواسطة Mr.Mamo
طاب من الاخر كده
العربيه لسه هتزيد كمان
ومع احترامي للاعضاء اللي معترضه علي زياده السعر
قبل زياده اسعار العربيه العربيه كانت بتتباع في المصريه ب80000 تسليم فوري والناس كانت بتشتري وتدفع عادي يعني
العربيه كده كده هتزيد حتي لو غبور مزودتش التجار مش هيبيعو باقل من 82000
وممكن اكتر كمان
وحقهم ما دام الناس بتشتري بالسعر ده
وخصوصا ان مفيش منافس للسيارة اطلاقا حتي شهر 7 -2013
|
عندك حق يا أستاذ محمود ؛ لإننا إحنا اللى عملين فى نفسنا كده والتجار ليهم حق طالما بيزود على السعر الأصلى وبيلاقى اللى يشترى يبقى لا نلوم إلا أنفسنا
لكن كل واحد المفروض يبدأ بنفسه ، يعنى أنا كنت حاجز مع غبور فرع المهندسين ورحت قدمت طلب سحب المقدم ، أنا عارف ان تقريبا كل الماركات سعرها زاد ، لكن مش كل شى هيكون على حساب العميل أو المستهلك ، لازم كمان التوكيلات تتحمل ومش لازم المكسب يبقى ميه فى اليه .
نأتى للإيمجراند : العربية لسه جديدة فى السوق وعلى الرغم من اللى شكروا فيها لكن انا بتحمل جزء من المخاطرة لما أٌقدم على شرائها لأن ببساطة لسه متجربتش كويس ( أقصى مسافة عملتها 2000 كم ) ، يبقى ليه غبور ميتحملش معايا شوية وميغليهاش حتى لو بقية الماركات غلت ، لأنه لو عمل كده هيزود من فرص انتشار العربية وهيخلى الناس تحس بميزة إضافية عن باقى السيارات وكمان هتزيد الثقة فيه .......لكن للأسف هو ده غبوووووووووووووووووووووور باصص للمكسب السريع فقط