رد: الاوبترا والماتريكس محتار بينهم
مش سقت الأوبترا ولكن سقت الماتركس لمدة 2 سنة حتى الأن معايا الشكل القديم
الماتركس ممتازة وواسعة وممكت تجيب حامل شنط وتحط شنطة أو حتى تلفزيون جديد فوق سطح العربية وهذه إمكانية غير موجودة فى الأوبترا. الماتركس كراسى عالية من الداخل فتحس براحة اكثر فى القيادة يعنى عمرك ما هتنزل من العربية الماتركس وتحس ان رجلك مكسرة وعظلم مشدود زى العربيات العادية من كثرة القاعدة أو ثنيى الارجل.
العيب الوحيد فقط هو روئية العربية يعنى لما تيجى ترجع للخلف مفيش شنطة والزجاج الخلفى مرتفع قليلا فمش بتشوف بوز العربية اللى خلفك أو لو دراجة مثلا محطوطة وراء العربية كذلك مش بتشوف بور عربيتك لما تيجى تقرب منالعربية اللى قدامك. ولكن بالخبرة والإحساس بتقدر تقدر الموقف والمرايات الجانبية بتساعد..
ميزة ثانية أن العربية طولها اربع متر فقط فتعتبر صغيرة وتقدر تركن مستريح. وارتفاع السيارة عن الارض 16 سنتى وهى بهذا لا تقل على الأوبترا وأعلى من اللانوس مثلا.
العربية دى ناس كثيرة بتحب تشتريها وهتجد سعر إعادة البيع كويس.
الثبات كويس لو مش هتزود عن 120 كيلوا مثلا. أكتر من كدة يبقى تاخد بالك وأنت فى الملفات أو المناورات. وأعتقد محدش هيعمل منوارات أو ياخد يوتيرن على سرعة تتجاوز 80 حتى ولو بالأوبترا..
|