المشاركة الأصلية كتبت بواسطة tofey2010
السلام عليكم
ده نفس الرجل الى بيعلمنى وحاسسه انه خايف على العربيه اوى ومسك الدركسيون ورجله تحت البنزين وكانه هو الى بيسوق انا فاضلى حصه واخلاص منه
|
مساء الخير
بما انك معاة خلاص
حاولى تتعلمى منة على قد ما تقدرى و اضغطى علية علشان يمشيكى فى الزحمة انا عارف انة رخم فى حكاية الدركسيون دى علاطول ايدة معاكى انا كنت بحرجة و بقولة هيا العربية حدفت منى يقولى اة يعنى الكلام دة -- فكنت بقولة سينى اتعلم لان كدة ولا هتتعلمى طول ما انتى متغلطيش
هو الميزة الوحدية فية انة لما تأجرى عربية فى المرور 128 هتعدى بيها انشاء اللة الاختبار علشان متعدوة عليها
على فكرة انا اشتريت عربية جديدة BYD F3 و لما جيت اسوقها حاسيت انى اول مرة اركب عربية علشان الحجم و الابعاد و و متعلمتش كويس لولا اتنين اخوات جيران ليا كل يوم يعلمونى و لمدة اسبوع على عربيتى و يسبونى اغلط و يلحقونى على اخر وقت و انا الحمد للة بقيت مية مية بس لازم تعرفى مهما اتعلمتى السواقة ملهاش كبير
و بما انك بقيتى معاة خلاص
طبعا بيعلمك عند الشرابية عند الخلفاوى
قوليلة يعلمك تدخلى فى الشوارع الجانبية
خلية يعلمك الطلعة السريعة علشان لو ولقفة فى اشارة و حبيتى تطلعى بالدبرياج بس اللى وراكى مش هيستحملك -- فهتقوليلة عايز اتعلم الطلعة السريعة اللى هيا بالدبرايج و البنزين و اعمليها كذا مرة و امشى شوية و قوليلة تانى و اللة كنت بعمل معاة كدة
و بعد كدة خلية يعلمك و انتى واقفة فى اخر مطلع الكوبرى و انتى مروحة و دى كل يوم بعد التدريب علشان لو الكوبرى واقف العربيى متريحش منك و ترجع ورا و تخبط اللى وراكى الراجل دة لازم تقوليلة كل شوية على اللى انتى عيزاة علشان هو عايز ينجز 5 الحصص و يلا باى
يبقى شوراع جانبية - طلعة سريعة - مطلع الكوبرى - و رخمى علية لما يمسك الدركسيون --------
اة نسيت -- اتعاملى على العربية كأنك نازلة تكسريها علشان تكستبى جرأة متخافيش على العربية هو هيلحقق لما تغلطى انا عملت كدة معاة واللة علشان اطلع بأى حاجة منة و لو اتبطت ميقدرش يقولك حاجة لانك بتتعلمى و معلاكيش اى عتب و انتى دافعة فلوس
اسف على الاطالة و ربنا معاكى و ابقى قوليلى وصلتى لفين