تسلم ايدك Emgrand7 على الخبر والصور و تسلم ايدك يا احمد على نقل الصور
وبصراحة شكلها جااااااامد وهى تاكسى
وليهم حق الناس تستعجب طبعاً لانها زى ما قالو لسه حجز واستلام والتسليم كان متاخر كمان لو تفتكرو الاسبيرانزا وال BYD منزلوش تاكسى الا لما اتجمعو فى مصر وملو الدنيا
عموماً موضوع انها تنزل تاكسى كمان مفيد جداً لانها هتدى فرصة للى عايز يجربها بشكل عملى اكتر يركبها ويجربها على الطريق وكمان بتدى ثقة للى بيشترى ملاكى انها عربيه عملية وقطع غيارها وصيانتها هتبقى متوفرة الى حد كافى وبشكل اقرب للاقتصادى طبعاً
انا شخصياً لو عديت قريب من هناك لازم اروح اسلم على عم بخيت واركب معاه اجرب العربيه ... صحيح ما حد يجيبلنا تليفونه