المشاركة الأصلية كتبت بواسطة Aymansabry
السلام عليكم يا جماعه
عربيتى الكروز اشتريتها و كانت عامله 60 الف .. رحت اكشف عن زيت التروس الاوتوماتيك بتاعها عشان اغيره بره التوكيل الحقيقه...فى محل زيوت متخصص .. الفنى كشف عليه و قاللى : (مش محتاج يتغير.. و للعلم زيت الفتيس الاوتوماتيك اول مرة مش بيتغير على الاربعين الف كيلو زى كل مرة.. دا ممكن يكمل للميت الف كمان لانه جاى من المصنع و بيكون اصلى) ....المهم برضه قت له اكشف على الزيت و فعلا فك الطبه و طلع كويس.. انا لم اطمئن بصراحه فرحت سألت مهندس فى التوكيل فاكدلى نفس الكلام دا بس قاللى غير الزيت على 80 الف لازم. انا عامل لغايه دلوقتى 77 الف... و بدأت اشعر بفرق النقلات ما بين التانى و التالت فقررت اغير الزيت. مهندس التوكيل لم يرشح لى ماركه معينه بس قاللى تحط 5 لتر من اى زيت ابيض زى بتاع الاوكتافيا كده الست نقلات اوتوماتيك....فهل الانسب للكروز هو الزيت الابيض ولا الاحمر؟و ايه افضل ماركه لاصحاب التجربه؟ فالفولين اسمع انه الاحسن...و برضع زيوت امارات مصر ( عن تجربه شخصيه فى زيت الموتور) و برضه سؤال تانى معلش : فى اى حاجه المفروض تتغير تانى غير الزيت للجير بوكس الاوتوماتيك؟ شداد مثلا او فلتر او اى حاجه تانى؟ مع الشكر الجزيل .
|
مهندس التوكيل قالك حط زيت ابيض انت متأكد انه مهندس توكيل ولا صنايعي تركيب غاز
وتعقيبا علي كلامك للعلم فقط
اولا مفيش زيت معين لعدد النقلات زي ما حضرتك بتقول فتيس اوكتافيا ست نقلات
سواء الفتيس 5 لو 6 لو 7 نقلات نوع الزيت واحد
ثانيا كل الكروز بجميع فئاتها في مصر لا يوضع اافتيس زيت ابيض يوضع الزيت الاحمر اللي هو زيت الباور مما لايجل لك فرصه الاختيار بين الزيت الابليض والاحمر لان هي اساس مينفعش يتحطلها الزيت الابيض اساسا وده اللي خلاني اقول في الاول كده علي المهندس اللي قفوات انه من التوكيل
ثالثا والاهم لازم تغير زيت الفتيس ومش لازم اول مره تغير فلتر الفتيس وتحط زيت موبيل atf 320 زيت محترم وعن تجربه وتغيره والعربيه بارده وبعد كده تقيس المقاس وهي علي r تحديدا واشتري 5 لتر وهيتبقي معاك شويه