طيب انا هاقولك بقي علي أغرب حاجة ممكن تسمعها انا كنت بعاني من نفس الموضوع بتاعك ده بالظبط اجي اهدي او علي مطب او مالعربيه توصل سلانسيه تبطل مع اختلاف العربيات طبعا
وبعد البحث والتأني والصبر علي العطل علشان ماديش ودني للمميكانيكه الي اسهل حاجة عنده يقولك غير غير اكتشفت ياسيدي ان البطاريه بتاعتي ضعيفه وكل يوم الصبح ادورها بوصله
والأكتشاف التاني انك مادم البطاريه فصلت عن كنترول العربيه لازم تعملها (ايدل ليرن) ولو ماعملتش العربيه تهرتل وتبطل وكل الي انا حكيته طبعا انا كنت بدور العربيه وامشي علاطول وماعرفتش الكلام ده من حد بس قريته بالصدفه في كتالوج الصيانه وقطع الغيار بتاع العربيه
وبعد كده الحمد لله غيرت البطاريه وعملت الأيدل ليرن ( دورت العربيه وهي بارده تماما وتسيبها دايره بدون اي ضغط علي الدواسه بتاع البنزين لحد ماتسخن والمرواح تشتغل وتفصل ) ومن ساعتها الموضوع اختفي تماما وبيظهر علاطول لو فصلت البطاريه لأي سبب ومعملتش الأيدل ليرن طبعا رأي الميكانيكي أني اغير بوابه بالحساسات كامله بدينامو وانا بعيد عنك الدينامو عندي ب 2800 لحلوح
بس انت واحده واحده معاها جرب مع نفسك لحد ماتوصل للعطل فين بالظبط