حنفي(128) قبل وبعد التعديل
حبايبي الحلوين السلام عليكم ورحمه الله وبركاته
طبعا كتير منكم عارف اني جايب عربيه 128 كوبيه للمرمطه الداخليه حفاظا علي حبيبتي الغاليه انجلون
العربيه كنت جايبها عشان اعدلها اساسا بس نظرا لظروف تعذر الامر وفضلت راكبها علي وضعها لحد ما زهقت من شكلها وكل اللي يشوفها يقوللي تبيع علي 10 الاف او تبيع علي 9 الاف
ليه هو انا سارقها دي التوكتوك بيوصل ل16 الف فقررت اضحي واصرف عليها 500 جنيه عربون محبه واخلي منظرها يلوح وفعلا من يوم ما ظبطتها وطول ما انا ماشي كل الناس بتتفرج عليها وكل ما اقف في حته ناس كتير يقولولي ممكن نتفرج واحلي حاجه بقي واقف من يومين عند محل اكسسوار ومعدي شابين صغيرين في اعدادي كده ولاقيت واحد بقولي عمو هي العربيه دي مش بتاعت سباق ؟ قولته ايوه راح رازع زميله بالدراع وقاله مش قولتلك عربيه سباق هههههه
في ناس ممكن تشوف ان التغير بسيط لاكن في الواقع الفرق كبير بين قبل وبعد
للعلم الشغل كله بايدي الاتنين ماعدا شغل السروجي وارجاع الديفل لوضعه
ودي صور قبل
ودي صور بعد
اللي اتغير ايه من الداخل
التابوه اتغير لونه ازرق في اسود
الاضائه الداخليه اتغيرت للازرق
العربيه بقيت استارت بوتون يعني بتدور بزرار
فرش السقف اتغير
تم ظبط فرش الابواب والارضيه
تم اضافه كنسول اوسط
ومن الخارج
تركيب دلايات
تركيب داير للرفارف
تركيب عتب
عمل انتركوت داير اسفل السياره
تركيب كساح امامي
الغاء موضوع الاكصدمات نهائي
تركيب فوانيس صفراء اللون
طبعا شغل الشرائط والفاميه والاستكرات
وفبره الكبوت والشنطه
وطبعا رجعت الديفل تاني او التيربو او زي ما اولاد الناس بيقولوا الهيدر
وده صوته بس شغلوا الصب ههههههههههههه
ها ايه رأيكم يا رجاله
التعديل الأخير تم بواسطة hyundai 2005 ; 20-12-2012 الساعة 11:07 PM
|