[Hisham.Elgazzar]

المشاركة الأصلية كتبت بواسطة sayed2077 السلام عليكم ورحمة الله وبركاته لو سمحتم دلوقت انا عربيتى اكسيل العربيه ديه كهربة الاشعال فيها على مشط المشط متوصل بملف ماجنيتيك بياخد منه الإشارة ويشغل بيها الموبينة زى الموتور الكهربا زمان كان معايا 128 كانت تعمل بابلاتين وكوندنسر الله يرحمها اينعم كانوا كل شهر بيبوظوا بس كانوا قبل ما بيبوظوا يبداءوا يدوا علامات قبلها على انهم هيبوظوا بس المشط اللى اسمعه عنه كالاتى انه عمرة الافتراضى اطول بكتر عن عمر الابلاتين والكوندنسر بس يوم ما بيبوظ بيبوظ مره واحده بدون سابق انذار طيب السؤال بقى دلوقت ايه اللى بيبوظ المشط و لو المشط باظ منى وانا فى سفر مفيش اى طريقة يمكنى بيها انى احاول ادبر امورى لغاية ما اروح عند اقرب ميكانيكى و هل بيبقى ليه اى علامه قبل انتهاء عمره الافتراضى انه خلاص هيودع و هل لو انا اشتريت واحد جديد وخليته معايا دائما فى العربيه تركيبه هيبقى سهل ولا صعب مع العلم ان المشط عندى بداخل الاسبراتير نفسه و هل يمكن شرح اى حاجه عن هذا الشىء الغريب

الاسبراتير فى العربية دى هو الموبينة والمشط كلهم زيتهم فى دقيقهم فى العربية دى تقريبا زى اللانسر 92 والله اعلم
اللى اعرفه ان المشط هيبقى شغال معاك زى الفل وبالعكس قبل مايبوظ هتلاقى العربية معاك احسن من الأول زى ماتقول حلاوة روح وبعدين ونتا وحظك بقى يفصل على منزل كوبرى او فى إشارة او تحت البيت او فى اى مكان ربنا يسترها معاك ومعانا كلنا يا رب
الأهم من دا كله زى ما الباشمهندس محمد قاللك لازم تشترى مشط إستيراد وتخليه معاك فى درج التبلوه إحتياطى
على فكرة انا من ألتراس الأبلاتين والكوندينسر ووجهة نظرى ان الأبلاتين يتغيره عندك كل شهر ده عيب صنايعيى او ركب الكامة بتاعت الإسبراتير كانت منتهية
ده غير ان الطقم ب 20 جنيه والمشط ب 100 شغال او مش شغال انت وحظك

ياريت لو تقدر تجيب اسبراتير عاده أركبهولك واعدلك نظام الإشعال فى العربيةوبإذن الله ولا هتسمع سكة ولا عمرها هتقل معاك وهتحط على اى عربية إسبراتيرها إليكترونى