[eng/walaaeldeen]

المشاركة الأصلية كتبت بواسطة myson medo اهلا / أ محمد انا بس مش فاضية اعمل تقرير ده غير انى فى نواحى كتير مش هقدر اتكلم فيها ولذلك معملتش حتى الكتالوج بتاعها بنساه دايما فى العربية لانى برجع مستعجلة وبطلع على طول بس اللى اقدر اقوله العربية جميلة بجد ما شاء الله على عكس ما كنت خايفة منها انا كنت راكبة صنى 2011 وكنت هشترى صنى الجديدة ولكنى مقتنعتش بيها وكنت مترددة فى اللوجان والسانديرو لشوية حاجات منها الاى بى اس ومرايات الضم وشوية حاجات اخرى وكنت كل اما اجى اقول خلاص صنى اروح اشوفها اضايق منها سواء من بره او جوه واستخسر الفلوس فيها وارجع تانى واقول لوجان او سانديرو بس مكنش عاجبنى شكل اللوجان من بره فقلت سانديرو بس كنت خايفة علشان حجم الشنطة لكن بجد اما جبتها ارتحت قوى اولا حجم الشنطة حلو كبير بالنسبة لعربية هاتش باك ثانيا مكان الكلاكس حلو قوى ليا وكمان الازرار بتاعة الزجاج مش مضايقة منها خالص بالعكس حاسة انها كده هتعمر اكتر بعيد عن اى مطر وخصوصا لو كان مطر مع تراب فتحة البنزين برده خلاص لانى بدى للعامل المفتاح وهو اللى بيفتح بدون ما انزل العربية ناعمة وثابتة قوى ما شاء الله وعلى المطبات انسى والبنزين ربنا يحميها رغم انى لسه فى الاول وعموما انا هعمل موضوع واقول الحاجات دى برده علشان افيد الناس وخصوصا انى كنت محتارة جدا قبل ما اجبها وربنا يباركلى فيها بقى

السلام عليكم
: soccer_372:

ممكن اعرف العربيه ثابته في السرعه ولا لأ واستهلاكها في البنزين
والله المستعان