[myson medo]

سلام الله عليكم ورحمته وبركاته

بصوا وأنا قاعدة كده وفى ساعة صفاء مع النفس وإذا بى أتذكر موقف حصلى وبعدها أسال نفسى سؤال

طبعاً عاوزين تعرفوا دلوقتى إيه هو الموقف ؟ وإيه هو السؤال

حاضر هقول أهوه

أولاً الموقف / كنت مرة بليل ولازم أعمل زيارة لخالى ومكنش فى نفس البلد يعنى سفر لمدة ساعة إلا ربع

فطبعا أخدت العربية وتوكلت على الله وأنا فى الطريق فوجئت بأماكن كانت مظلمة جداً مفيهاش ولا عمود والأحلى بقى كمان إن مكنش فيه عربيات ولا رايحة ولا جاية

بصراحة اترعبت جداااااااااااا
طبعاً قفلت بقى الإزاز كله أحسن يطلعلى كلب ولا حاجة ويكون عاوز يعمل تدريبات السيرك وينطلى من الشباك

المهم قلت هكمل يعنى هكمل ان شاء الله

والحمد لله كملت على خير بس بصراحة كنت أول ما أجى عند مطب أتخيل حاجات كتير مرعبة وقلبى يدق قوى من الرعب

والحمد لله رحت ورجعت بسلالالالالالالالالالالال ام

نيجى بقى للسؤال :

لو أى واحدة ماشية بالعربية فى طريق وفجأة طلع لها أى حد وعاوز يوقفها بالإكراه

المفروض إيه التصرف الصحيح فى هذا الموقف

يعنى أنزل وأسيبله العربية بس ممكن برده يقتلنى بعدها

ولا أجرى بأقصى سرعة ومعبرش وأنا ونصيبى ؟؟

ولو كان بقى الموقف ده عند أى مطب يعنى واقف واقف يعنى برده إيه التصرف الصحيح ؟

يالا عاوزة الخبرات الجميلة بقى تنزل عليا زى المطرررررررررر:fun_36_3_1 1[1]:

وشكرا ليكم كلكم ودمت بصحة وسلام