[nicolass]

المشاركة الأصلية كتبت بواسطة AboNoRa بالظبط البرايد تقارن بالفيليشا مش الفيفوريت الاتنين جيل واحد بس حتى الفليشيا اقل من البرايد فى اعادة البيع والاعتمادية والنعومة واسعار قطع الغيار وسهولة الصيانة وان كانت الفليشيا ارقى فى الشكل والصالون بس برضو البرايد بتتميز عنها فى الفئة ديه للاسباب المذكورة وبالتالى مقارنة الفيفوريت بالبرايد هتبقى فى صالح البرايد تماماً ولو عايز خيارات تانية فى الفئة ديه ممكن تشوف فيات اونو: اعتماديتها كويسة برضو وقطع غيارها منتشرة بس فقيرة من جوه وموتورها ضعيف جداً هيونداى اكسيل : اعتمادية اقل من البرايد خاصة فى العفشة بس فى المقابل صالونها اشيك من البرايد تويوتا ستارليت: عربية ممتازة فى كل شىء لكن قطع غيارها اغلى شوية من الكورى بولو - ابيزا : الاتنين تحفة لكن مواتيرهم اقل من البرايد فى القوة الحصانية والعزم واسعار قطع غيارهم هى الاغلى فى الفئة ديه بس ثبات وطعم اوربى مميز خلى الخيارات ديه كل فى دماغك ودور على احسن حالة بالامكانيات اللى معاك ومتنساش الاستخارة وربنا يوفقك بإذن الله

شكرا جدا استاذى
بس هو كل كلامك دا عن قوة الموتور ومقارنته بالباقى على البرايد العصفورة الى هى 1000 سى سى او 1100 ولا البرايد الى هى 1300 ؟؟؟
وانا بصراحة مرتاح نفسيا للبرايد مع انه شكل الاونو افضل بس عمرى او قليل لما بلاقى اونو شكلها نضيف ديما بلاقهم متبهدلين واصحابهم مش مهتمين بيهم
وخد فى اعتبار حضرتك انى هشترى موديل 96 او اى موديل فىى حدود 23 الف
وشكرا تانى ليك ومنتظر مساعدتك