المشاركة الأصلية كتبت بواسطة takakan2005
حسب إجابات السادة الأعضاء المحترمين عرفت إن الجنزير - أمان وقوة وعزم أكبر - مع إرتفاع صوت الماكينة قليلآ لكن مسألة إنه بيستهلك بنزين أكتر - دى معلومة جديدة - مش عارف رأيكم أيه ؟؟
وكمان فيه حاجة مهمة جدآ قلقتنى بعض الشىء لأنى حاجز السيارة دى - سوبر صالون - ولكن لسه ما ستلمتش - هى إن حوض الموتور ضيق جدآ يعنى حتلاقى الموتور لازق فى الردياتير ووش العربية - يعنى أى خبطة من قدام حتأثر جامد فى العربية ده ناهيك عن صعوبة الصيانة والأصلاح لأى ميكانيكى عادى .
ياريت أعرف رأيكم
وشكرآ
|
أحب أوضح بس لحضرتك إني ماليش سابق خبرة بالعربية الصني الموديل الجديد إنما أنا من ملاك الإي إكس صالون موديل 2011 الشكل القبليه على طول وعندي خبرة بعض الشيء بالتيدا والأباثفيندر والباترول وكام مرة كدة على الماشي بالأرمادا وعلشان كدة أنا عممت رأي على مواتير النيسان عامتا.
لاكن أنا ما أفضلش أكون من مطلقي الإشاعات بإني أنا قولت إني النيسان صني الشكل الجديد بتاكل بنزين ولا غيره.
أنا متحفظ على حاجات في العربية دي ودا من واقع معاينتها بنفسي في معرض سيارات وكنت بفكر فيها ولاكن أ،ا ماحبتهاش لأسباب أخرى منها الشكل العام للسيارة خارجيا وداخليا ونوعية الخامات داخل صالون العربية وكفاية شكل التابلوه ومافاتيح التكييف.
تقبل تحياتي.
أحب أضيف إني العربية الي إتفرجت عليها كانت مواصفات خليجي وكمان كنت خارج مصر ياعني أصلا العربية كلها تقفيل بلادها (الهند) مش نيسان مصر.