رد: لمبة ال check منورة
بص ياباشا حساسات الانوس مش كتير ( حساس شكمان - حساس هواء - حساس كرنك - بلف ايدل او زي مابيقولوا حساس ايدل - حساس بكرة الأكسراتير-2 حساس حراره )
في حساسات منهم طبعا لو مفصول او بايظ هايبان تأثير فوري علي العربيه
1- حساس الشكمان لو الكابل مفصول العربيه هتبطل كل شويه كل ماتزود بنزين - لو بايظ اللمبه هاتنور بعد سرعه 90 والعربيه هاتاكل بنزين
2- حساس الكرنك أعتقد العربيه مش هاتمشي او مش هاتدور
3- حساس ايدل العربيه هاتبطل علي السلانسيه ومش هاتدور غير وانت دايس بنزين ولو سبته هاتبطل
حساس حراره : عداد الحراره هاتلاقيه بيهيس او مش بيتحرك
لو ماعندكش اي اعراض من دي فابنسبه كبيره هايكون حساس الهواء وده مكانه في الماسوره الواصله من علبه فلتر الهواء للبوابه وارد تكون الفيشه متشاله او هو نفسه بايظ
والله اعلم
|