رد: قصة عبد الله00 عفريت حقيقى من الجن
14-ساكن السطوح
-___________-
قدم من قريته للدخول الى الجامعة 00شاب طيب القلب مسالم لاقصى درجة00 وقام باستئجار حجرة فوق السطوح00
كانت البناية تتكون من ستة طوابق 00يصعد السلم كل يوم صعودا وهبوطا حتى تتقطع أنفاسه 00
كادت الوحدة أن تقتله وهو الذى يعيش بمفرده لاول مرة فى حياته!!
مرت الليالى كئيبة وممله وهو يستجمع صبره حتى أنتهى الشهر الاول من العام الدراسى وذهب فى زيارة الى بلدته وعندما عاد كانت المفاجأة 000000!!
وجد حجرته مرتبه ونظيفة وكذلك وجد طعاما ساخنا على المنضدة!!
أعترته دهشة ونال منه العجب وهو لا يفهم ما حدث00
من دخل غرفته ومن فعل هذا؟
وقبل أن يشطح بتفكيره وخياله وجد الصوت من خلفه:
-مساء الخير
ألتفت ليجد فتاة جميلة مهندمة فى أبهى صورة
قال بتعجب:
-مين حضرتك؟
ضحكت 00
أعتراه خجل00
-أنا؟
أيه رأيك فى النضافة دى ؟
مدقتش أكلى ليه؟
زاد تعجبه وخجله:
-شكرا على تعبك لكن مين حضرتك؟
-أنا أنهار
قال بتعلثم:
-أهلا وسهلا00
بس برضك مش فاهم
-أنا سيدى بنت الجيران اللى تحتك
-آه
-طب ودخلتى أودتى ازاى؟
-أنا كنت طالعة للسطوح لاقيتها مفتوحة دخلت
قال بتعجبك
-ازاى وأنا كنت قافلها كويسظ
-معرفش أنا لاقيتها مفتوحة
ضحك وقال:
-لازم حرامى غشيم كان جاى يسرق بس نأبه طلع على شونه
ضحكت وهى تخطف قلبه:
-أكيد كده
الصراحة لاقيت حاله الاوده مش تمام قلت أوضبها
-يا ست الكل تشكرى والله تشكرى بجد
-لاشكر على واجب الجيران لبعضيها
استدرك:
-طب وعرفتى منين أنى جاى النهاردة عشان الوكل00 أصلى كنت مسافر البلد
-أنا معرفش أنك مسافر00 أنا عملته على أساس أنك موجود
-آه
-طب أسيبك بقى00سلام
لو عزت اى حاجة أنا ح أعملها لك بس خد بالك الجماعة ف البيت محافظين جدا وياريت محدش ياخد خبر انت عارف أنا00
وقال بتأكيد:
-عارف عارف
انصرفت ومازالت حيرته تتملكه
تتبع
__________________
|