[سيف الدين سعيد]

المشاركة الأصلية كتبت بواسطة yahiaashraf اخى الفاضل حضرتك اقتبست كلامى عن جودة و خامات التابلوه و لما جيت تقول رايك فيها اتكلمت عن الاداء هى ممكن كاداء حلوه لكن خامات فى وجهة نظرى وحشه لانى ركبت و شوفت عربيات كتيره و الف مبروك على شراء السياره و ربنا يباركلك فيها

يا عم يحى بلاش نرجع تانى نهين سيارات الناس وان كانت العربيه خاماتها وحشه من وجهة نظرك فده مش معناه ان خاماتها فعلا وحشه . والعكس صحيح . لأن ممكن انت تشوف العربيه سيئه وهى عاجبانى جدا والعكس صحيح برضو ممكن انا اشوف العربيه سيئه وماتسواش ربع ثمنها وانت تحكم عليها بمنظور تانى خالص وتكون معجب بها للغايه . لكل وجهة نظره . وبرضو مش معنى انك ركبت سيارات كتير ان رأيك يمكن ان يعمم على كل السيارات .
حاحكيلك على مثال صغير جدا وهو ان بعض اخواننا الأفاضل هنا فى المنتدى والكلام ده من فتره .. كانوا بيهاجموا السياره جاك B15 أول ما نزلت ووقت ما ملاكها كانوا شارين سياراتهم ومعجبين وفرحانين بها جدا . وكان الهجوم بينصب على نقطة انها سياره صينى . وطبعا كان النقد أغلبه بيطعن فى خامات السياره .. وطبعا ما قوللكش على كم الخلافات والصراعات التى حدثت هنا فى القسم مع هؤلاء الأعضاء . وفهمناهم انهم بيكسروا فرحة ملاك السياره بسياراتهم ورغم اننا طبعا مقتنعين مليون % باختياراتنا الا اننا غضبنا وثرنا وغلطنا كتير لخروجنا عن أعصابنا من افتاءات الأعضاء اللى بيفهمواواللى مابيفهموش .
معلش طولت عليك شويه . بس رجاء بلاش نكرر التجربه دى تانى لأن ملاك السياره بيحبوا سياراتهم جدا ومش حايسمحوا باهانتها او العيب فيها بدون وجه حق .
وتحياتى لحضرتك .