. انا شايفكم دايخين واسألة ومباحثات ومشاورات كتير
المهم انا اعدت الف انا كمان من ناحيتى ووصلت للنتيجة وغيرت الزيت وكلة تمام
مبدئيا كدة اول زيت بيكون موجود فى اللاستى بيكون تعبان ومحتاج يتغير انا غيرتة ع 30 الف كيلو
ثانيا الزيت المطلوب تجيب اى نوع ( موبل - كاسترول - فالفولين - لوكى مولى - فابيا ) مش مشكلة اهم حاجة يكون ديكسون 6
انا شخصيا استخدمت زيت فابيا ديكسون 6 لانة المانى ( الزيت احمر ) لان فى منة الابيض احنا ملناش دعوة بالابيض الزيت بتاعنا الاحمر
ثالث حاجة العربية فيها قياس للزيت بس صعب شوية ... الفتيس فية طبة من تحت وفية طبة من الجمب ورا العجلة الشمال .. الطبة الى تحت دى الى بنفضى منها الزيت والطبة الى فى الشمال دى مقياس الزيت ( بمعنى انك بعد ما تفك الطبة الى تحت وتنزل الزيت القديم وتقفلها تفك الطبة الى فوق وتحط الزيت لحد ما يوصل للطبة وبس بحيث ان مستوى الزيت ميعديش الطبة التانية الى فى الشمال من فول ورا العجلة )
رابع حاجة الفتيس دة نوعية حسااااااسة جدا جدا جدا والزيت تغيرو كل 40 : 50 الف بالكتير اوى يعنى
خامس حاجة فلتر الفتيس مش بيتغير فلتر داخلى مش بيتغير الا لقدر الله فى اعمال الصيانة الكيرة لان لازم الفتيس كلة يتحل وينزل ع الارض
سادس حاجة الفتيس هياخد زيت حوالى 5 كيلو
سابع حاجة لو احتجتو تعرفوا اى حاجة انا تحت امرك فى اى وقت وياااااريت يكون فى دايما تواصل واى حد فينا يتوصل لحاجة او يعمل حاجة فى العربية دى ياريت نعمل موضوع مفصل عنها
وشكرررررررررررا
تحياتى / احمد طوبار
