[Dr. Bolbolan]

الدمياطى / لضيق الوقت أعيد كتابة مشاركه كنت عملتها فى أحد المواضيع

وهى شبه رجيم بس بتعيش حياتك طبيعيه وبتاكل كل حاجه مع المشى نصف ساعه كل

يوم لا هو مشى بطىء ولا مجهد و مايكونش فى حرارة الشمس ومش لازم تعرق والكلام

الفاضى ده !

ويمكن النهارده أو بكره أكتب موضوع كيف تخس 10 كيلو فى 10 أيام ! بس ده مش

ح تستحمله لآن ال10 أيام دى مافيش فيها أكل خالص ( سوائل بس ) ! ومستعد لآى

سؤال ! ملحوظه : أنا وزنى 105 كجم ومش بأعمل رجيمات ! زى الدكتور اللى بيقول

للناس ماتشربش سجائر ( لآن ده واجبه ) وهوه حريقة سجائر ! المسأله اراده أولا وأخيرآ !


ومستعد لآى سؤال يا جميل !

---

صعب تعمل فى البيت أو فى العمل أكل مخصوص ! كما أن الاعتماد على أدوية التخسيس خطر !

ما عدا الزينيكال ! بس الزنيكال غالى شويه و اللى فى السوق المصرى ( معظمه مغشوش )

و السليم منه بيجيب فى أحسن النتائج نقص 4-5 كجم فى السنه ! ( على فكره هوه عباره عن بودرة )

( غلاف الكابوريا المجففه ) ! يبقى ايه الحل ؟ طبعآ لازم تؤمن بشده و تنفذ المعادله اللى بتقول ان السعرات

اللى داخله لازم تقل عن اللى خارجه ! يعنى السعرات المفقوده بالمجهود لازم تكون أكتر من المكتسبه

عن طريق الآكل ! ثانيا : هناك طريقه تأكل بها كل حاجه و تخس برده ! هيه موش رجيم و لكن طريقة حياه !

و لازم أولا تحلل سكر ( ح تقول لى ما عنديش سكر ) ! ح أقول لك ممكن يكون عندك و العلامات غير

ظاهره ! أو تكون فى المرحله الآوليه ( ما قبل السكر ) لآن السكر يؤدى للسمنه و السمنه تؤدى للسكر

( الدائره المفرغه الجهنميه ) ! و عمومآ حتى لو ما فيش سكر ! ممكن تاخد قرص جلوكوفاج 500 مجم

بعد الغذاء و العشاء ! هوه علاج سكر بس ليس له علاقه بالآجهزه الحيويه للجسم ولا البنكرياس ! لآنه

مثل الزنيكال بس بيقلل امتصاص السكر من الآمعاء ( خليه آخر حاجه علشان الدكاتره ما تزعلش ) !

نيجى بقه للآكل ! كل كل حاجه ! بس بكميات قليله ! و طبعآ فيه ممنوعات !

الممنوعات هى كل أنواع الشيكولاته ( ولو نفسك جت فيها كل قطعه صغيره من الشيكولاته البلاك أى السوده )

ممنوع كل أنواع الكعك و البتى فور والبسكويت و المعمول ( لو كنت فى الخليج ) ! ممنوع كل أنواع المشروبات

الغازيه ( بس ممكن البيريل و العرقسوس بحد أقصى 2 كوب فى اليوم ) ! العيش بكل أنواعه ممنوع لكن

مسموح فقط بنصف رغيف عيش سن فى اليوم كله ! وجبة الغذاء أكثر من السلطه بأى كميه مع زيادة

الكرفس و الشبت و البقدونس و الثوم ! و تأكل السلطه كلها الآول ! على الغذاء يا تأكل أرز 4 ملاعق فقط !

أو مكرونه 7 ملاعق فقط ! و مسموح تاكل كل اللحوم ما عدا الضانى ! و طبعآ الفراخ بدون جلد و الآحسن

كله يكون مسلوق ! الفاكهه بعد الآكل بساعتين على الآقل و ممنوع البلح الآسود و التمر و التين و العنب

و المانجو ! و مسموح بالبطيخ و ممكن حتة كونتالوب ! العشاء سلطه فقط + أهم شىء وهو نصف كرنبه

كابوتشى تضعها على السلطه و مهم جدآ 2 زبادى خالى الدسم !

نسيت أقول لك طبعآ المربى ممنوعه و ممكن تشرب شاى و قهوه زى مانت عايز بس بدون سكر !

و آخر حاجه طول النهار اشرب ماء ماء ماء علشان تملآ بطنك وعلشان ينزل فى البول محملآ بالدهون

و المواد السيئه اللى فى جسمك !

معلش أنا اتكلمت توتاله كده بس علشان الكلام ده من دماغى ! بس ح يفيدك جدآ و ح تخس حوالى

2-3 كيلو فى الشهر و بدون رجيم ! ( دعواتك يا باشا ) !


Dr. Bolbolan ptmnlo123per1127