[elwasty]

السلام عليكم ورحمة الله وبركاته
عندي مشكلة في سيارتي حصلت مرتين خلال الشهر ومش عارف ده من ايه:
المشكلة كنت ماشي بالعربية ولسة مظبط الكهرباء ومغير البوجيهات والابلتيتن والكوندنسر وبعد ما مشيت بيها مسافة وحبيت اهدي عشان اخد مطب العربية راحت مبطلة جيت ادور مش عاوزة تدور لحد ما البطارية نامت جمعت ناس معايا نزق العربية مش عاوزة تدور زق كمان والعجيب ان الدواسة بتاعة الدبرياج لاقيتها مرفوعة لفوق اوي وانا مش رافعها اوي كدة وكل ما نزق واجي ادور الاقي العربية كلبشت في الارض ومش عاوزة تمشي وديتها زق للميكانيكي وجه يدور دارت ومفيش اي مشكلة ظبطلي الدنيا تاني في الكهرباء والاسبراتير وطلت اجرب العربية زي الفل وقرست عليها وكله تمام وامبارح عملت نفس الحركة تاني لاقيت العربية بتبطل ودواسة الدبرياج عليت اوي بس عشان انا كنت موطيها على الاخر محصلش حاجة والنهاردة الصبح نزلت دورة ومشيت البدالة عادية خالص انا هاتجنن بجد
ياريت حد يفيدني في الموضوع ده عيبه ايه؟