[mr_astra]

المشاركة الأصلية كتبت بواسطة jojajo اولا: انا متشكر جداً ليكم بجد واستافدت منكم كتير جدا. ثانياً: العربية ساعات الكهرباء بتاعتها تعلى وساعات توطى وساعات على السلانسية تحس ان العربية هتبطل وساعات بتبطل فعلا وساعات تبقى عالية عيب اسبراتير ويجب تغييرة المهم سالت واحد صاحبى قالى تروح للميكانيكى قوله يشد الكاتينة شوية هل الكلام ده صح ولا غلط ؟؟ لو الكاتينة عاملة صوت يبقى ماشى الحال شد عليها انما لو الصوت مقبول يبقى بلاش ثالثاً: انا عايز اضبط التاكيهات هل دية اى ميكانيكى يقدر يظبطها ولا لا ؟؟ اى ميكانيكى يقدر يعملها لان تاكيهاتها شواكيش مش محتاجة خراط يعنى ....لكن مهم اوى ان العربية تكون باردة جدا اكنها لسة الصبح ما دارتش عشان تظبط كويس معاك رابعاً: عايز اغير البيجوهات اية افضل نوع ؟؟ والله كتير فى السوق ماركات كويسه لكن معظمة مضروب ....لو لقيت بريسك 4 شمعة او 3 شمعة يبقى تمام اوى خامساً: انا جايب مياه خضراء تقريباً من 3 شهور ومكسل اغيرها عايز اعرف لما افضى الجركن كله فى الريداتير اكمل بمياه عادية ولا مياه اية ؟؟ الاحسن مياه مقطرة بس اتاكد انة ما فيش عندك تسريب او المية بتنقص الاول سادساً: الفرامل عندى لما بدوس عليها بمسع صوت هواء بيطلع هل دية مشكلة ولا اية بالظبط ؟؟ اكيد طبعا دى مشكلة وهو هروب الهواء من السيرفو والحل انك تروح لبتاع فرامل تغير طاقية السيرفو تتكلف مثلا 40جنية بالمصنعية وشكراً جدا بجد ليكم ياجماعة على مجهودكم ده

الشكر لله
========================