كلام سليم جدا هى معايا من سنه وفعلا العفشه ناشفه والتكييف ضعيف شويه بس كل عربيه وليها عيوب لكن على العام هى امكانياتها كويسه وقطع غيارها متوسطه السعر وعربيه تمام ع الطريق وواسعه وشنطتها معقوله جدا وعاليه مبتحكش فى المطبات
أوبشنات العربيه كتير ومستغليين كل حته فيها استغلال ممتاز . بس انا ماكنتش باشتكى من التكيف .
هفضل اقول عيبها الاساسى وكيلها زباااااله لكن فى ورش متخصصه فيها
دا حقيقى وكمان قطع غيارها انتشرت فى السوق وأصبح مالهاش اى مشكل وأسعارها معقوله جدا .
وبالنسبه لموضوع الصينى والخوف منه ده مش منطق خالص لان العربيه بقالها حوالى 5 سنين فى السوق اثبتت كفاءه وفى منها تاكسيات وسعرها بيزيد ومنتشره وده اكيد عشان كويسه مش العكس
:w6w2 00504111340266d:w6w200504 111340266d:w6w20050411134 0266d
والأهم من كده ان الصين اكتسحت صناعه العربيات فى العالم كله
وياريت تتابع اخبار التوكيلات اليابانى زى تويوتا وميتسوبيشى اللى فتحوا مراكز تطوير عربياتهم فى الصين!!!!
وبقت معظم الاجزاء فى العربيه صينى
الأغرب من كده ان BMW قررت فتح مصانع لها فى الصين وكذلك جيب وكريزلر لهم فروع فى الصين . واللى بيفهم فى سوق السيارات ومتابع له حايجد ان الصين غزت السوق الأوروبيه وحتى المانيا المنتج الأول للسيارات فى العالم .
وانت قارن بنفسك اركب وجرب انا مره ركبت الفيرنا وحمدت ربنا انى مجبتهاش
منظر قمه السوء فى التابلوه وبلاستيك مرتجع فى الأكر وزراير الكاسيت شكلها يكسف وتنجيد متواضع يعنى صراحه اخرها تاكسى وخسارة فيها الفلوس.
الغريب يا أخى ان احنا اللى بنتعوج ونتأمر على الصين مش قادرين نصنع حتى فردة كاوتش . والكورى اللى الناس طالعه بيه السما ده غالى وخاماته مش متميزه . وكل واحد عشان يعمل نفسه بيفهم فى السيارات لازم يعيب وينتقد الصينى ويسوء سمعته . وممكن مايكونش شاف العربيه ولا حتى سمع عنها انما لازم يفتى .
اتمنى كل واحد قبل ما يقول رأيه فى ال113 والصينى عموما يركبه بس الأول