المشاركة الأصلية كتبت بواسطة سيف الدين سعيد
أخى الفاضل بصرف النظر عن آراء الأخوه اللى أفتوك بيها انا اعرف الـ113 كويس وعن تجربه . العربيه عفشتها ناشفه دا حقيقى ولكن اذا عرف السبب بطل العجب العربيه مساعدينها كبس هواء ( عفشه رياضيه ) ودى عيبها انها ناشفه ولكن ميزتها انها تعطى اعلى معدلات الثبات على الطرق السريعه وخاصة فى السرعات العاليه مع الملفات والمنحنيات . . . كمان العربيه أوسع مساحه داخليه وتحميل فى الشنطه والسقف والكابينه . والأوبشن فيها اعلى . قوة العزم اشد . انا كنت باسافر بيها كتير على الصحراوى على 140 مع تشغيل التكيف وكانت زى الوحش معايا . كمان هى عاليه عن الأرض ونسبة لحس الأسفلت بسيطه جدا . أما الألتو عربيه ضعيفه وخفيفه ومش بتاعة هرس . استعمال حريمى يعنى . . نصيحتى خليك فى الكيا او ال113 وطبعا الزيرو يكسب .
|
كلام سليم جدا هى معايا من سنه وفعلا العفشه ناشفه والتكييف ضعيف شويه بس كل عربيه وليها عيوب لكن على العام هى امكانياتها كويسه وقطع غيارها متوسطه السعر وعربيه تمام ع الطريق وواسعه وشنطتها معقوله جدا وعاليه مبتحكش فى المطبات
هفضل اقول عيبها الاساسى وكيلها زباااااله لكن فى ورش متخصصه فيها
وبالنسبه لموضوع الصينى والخوف منه ده مش منطق خالص لان العربيه بقالها حوالى 5 سنين فى السوق اثبتت كفاءه وفى منها تاكسيات وسعرها بيزيد ومنتشره وده اكيد عشان كويسه مش العكس
والأهم من كده ان الصين اكتسحت صناعه العربيات فى العالم كله
وياريت تتابع اخبار التوكيلات اليابانى زى تويوتا وميتسوبيشى اللى فتحوا مراكز تطوير عربياتهم فى الصين!!!!
وبقت معظم الاجزاء فى العربيه صينى
وانت قارن بنفسك اركب وجرب انا مره ركبت الفيرنا وحمدت ربنا انى مجبتهاش
منظر قمه السوء فى التابلوه وبلاستيك مرتجع فى الأكر وزراير الكاسيت شكلها يكسف وتنجيد متواضع يعنى صراحه اخرها تاكسى وخسارة فيها الفلوس.
اتمنى كل واحد قبل ما يقول رأيه فى ال113 والصينى عموما يركبه بس الأول