ياباشا الف شكر وانا اسف على ازعاجك باتصالى النهاردة الصبح وشاكر كرمك وذوقك
انا بالفعل جربت الوصفة على 80 وطلعت اجرب العربية
ملاحظاتى :
1- صوت الماتور اصبح هادىء نوعا ما عن الاول
2- التسقيف لسة موجود لكن قل بدرجة كبيرة جدا ملحوظ نوعا ما مع التكييف
3- زيادة ملحوظة جدا فى عزم العربية
عامة انا خلال الايام اللى جاية هانقل حالة العربية بشكل مفصل لانى لسة مجربتهاش غير مشوار واحد 20 كيلو
بس من فضلك انا عندى الدبرياج عالى سنة فهل المفروض انه يكون عالى ولا اوطيه شوية طبعا انا كنت معليه علشان النتشة بين الغيارات
وبالنسبة للصيانة ارجو ان حضرتك تنصحنى اعمل ايه بالظبط لانى من ساعة ما جبت العربية مش بعمل صيانة غير تغيير البوجيهات والفلاتر فهل فى صيانة للرشاشات مثلا او الحساسات
واخر حاجة ومعلش انا بطول عليك بس من عشمى عندنا عربية كريستالة هل ممكن نعملها الموضوع ده ولا لا
اتوجه ليك بالشكر والتقدير ومعلش انا مش راضى اتصل بيك تانى علشان مازعجش حضرتك
|
تحت امرك فى اى وقت
الزبطه دى لبنزين درجة اوكتانه 83 ودى اقل درجة اوكتان يقدر الموتور يتعامل معاها
على جميع الأحوال هتلاحظ تحسن كبير ان شاء الله
لو عايز التسقيف يختفى نهائى اظبط ثغرة البوجيهات على 1.4 مم
وادعيلى
عايز تعمل ايه تانى فى العربيه ؟
اتصل بى
الكرستاله تكنولوجيا مختلفه تماماٌ
ولاكن تستطيع تأخير توقيت الشراره من الأسبراتير
اى خدمه