[baba mohamed]

المشاركة الأصلية كتبت بواسطة Heli شكرا جزيلا بابا محمد على ردك انت فعلا وضعت يدك على اهم النقط التى تعتبر فيصل فى اتخاذ القرار من عدمة: انا بصراحة من رأي حضرتك و انا اميل للسيارة GAC J5 و علشان كدة انا ذهبت لمعرض هورس موتورز بنفسى و قابلت مدير المبيعات و تقريبا اسمة الاستاذ خالد عبد الفتاح، و وجدت ان كلامك صحيح تتصور لايوجد اى سيارة للعرض حتى لا يوجد بروشور او اى معلومات مطبوعة و الراجل معندهوش اى ردود مقنعة على اسئلتى و مش عارف امتى العربية ممكن تكون متوفرة و كل اللى قدر يعملة انة اخد منى رقم موبايلى و وعدنى انة يتصل بيا لما تتوفر معلومات بس طبعا انا شبة متاكد انة مش هيتصل. علشان كدة طلعت على طول على معرض جيلى غبور فى احمد عرابى و قابلت الاستاذ مينا اسكندر و ياه على الفرق فى المعاملة الناس دول عارفين اذاى يسوقو كويس للعربية و عندهم كل الاجابات و كمان الاهم ان فى عربيتين فى المعرض تقدر تفصصهم حته حته و انا ركبت نفس العربية اللى حضرتك متصور فيها و بصراحة مش قادر ازيد على وصف حضرتك هى فعلا تحفة بكل المقايس، لكن من وجهة نظرى المتواضعة انا شايف ان فى نقطتين مختلفتين عن مثيلاتها خارج مصر اولا التابلوه قديم موديل 2010 مش زى موديل 2012 و الجنوط 15 بوصة مش 16 بس دة لا يقلل من قيمة السيارة مقارنة بمزاياها الاخرى. انا نويت باذن الله على شراء هذة التحفة بس هستنى شوية علشان اقدر اجمع تمنها و ارجو من حضرتك انك تستمر و توافينا بالتطورات الخاصة بالتسليم و انا فى انتظار اول تقرير مصور من حضرتك بعد استلامك للسيارة ان شاء الله علشان توضح لنا باسلوبك الجميل دة الايجابيات و السلبيات اللى ممكن نتفاداها عند شرائنا ليها و اول قيادة ليها. و الف مليون مبروك عليك جميلة الجميلات

الأستاذ الفاضل/Heli
شكرا جزيلا على تهنئتك لي للمرة الثانية وهذا كرم أخلاق عظيم منك ، وأدعو الله لك بالتوفيق إن شاء الله وأن يقدر لك الخير حيث كان ، وأحترم فيك إرادتك القوية لذهابك للتأكد بنفسك وهذا دأب الطموحين دائما وإن شاء الله ربنا يوفقك لما فيه الخير ، وأما من ناحيتي وباقي الإخوة الذين تعاقدوا على السيارة إذا جاز لي التحدث عنهم فمن المؤكد أننا لن نبخل بالتقارير وبالتفاصيل عن كل كبيرة وصغيرة عن السيارة من لحظة استلامها وحتى المرور بأوقات الصيانة والتليين وخلافه ، إن شاء الله.

أما عن النقاط التي أثرتها فجنوط السيارة هي 15 بوصة من أول ما صممت ولم يقل أحد غير ذلك ، أما عن التابلوه فهو وإن كان موديل 2010 فهو جميل جدا ومتناسق ولم يزد عليه الموديل الأحدث إلا شاشة الجي بي إس وهذه مقدور عليها إن شاء الله.