المشاركة الأصلية كتبت بواسطة baba mohamed
السيد الفاضل/Heli
شكرا جزيلا للتهنئة وأدعو الله أن يهديك دائما للصواب ، أما بخصوص الجاك فهي وما زالت تحتل شغاف قلبي وأرى أنها الأفضل في كل شئ ولكن عندما أردت شراءها وكنت قد قررت ذلك فعلا ماذا وجدت وكيل لا توجد عنده سيارة واحدة لرؤيتها وعندما تحدثت مع أحد المندوبين وعدني بالاتصال بي ثاني يوم ليحدد لي ميعادا لرؤية السيارة ولم يتصل إلى الآن ، وتكرر هذا الأم مرتين ، ثانيا ليخفضوا سعر السيارة نزعوا منها ميزات هامة مثل الجنوط الأسبور أصبحت عادية وجعلوا التكيف عادي وألغوا السنسور الخلفي ، هذا ما قاله مندوب المبيعات بلسانه ، وطبعا من المؤكد أنهم ألغوا أشياء أكثر لم يذكرها ونتيجة لما ذكره حائزي السيارة من عدم وجود قطع غيار وسوء الصيانة ، ونتيجة لسمعة الوكيل السيئة فقدت السيارة في نظري ميزاتها وأنا لن أشتري سيارة ثم أجري وراها لخدمتها بدلا من أن تريحني وعلى النقيض من ذلك وجدت الإيمجراند سيارة تحفة ووكيل فوق الممتازيضمن لك قطع الغيار والصيانة وسعر إعادة بيع مرتفع ، أما عن الثبات فلقد وجدت أن ما ظننته عدم ثبات بالإيمجراند هو نقيض ذلك فبعد ترجمة الأفلام اتضح أن ذلك نوع من التعليق الذكي للعجلات الخلفية الذ يتيح للسيارة أن تضبط اتجاهها إذا تجاوز قائدها وسار بسرعة كبيرة في منحنى شديد بدون أن تنقلب السيارة أو تختل أثناء السير
|
شكرا جزيلا بابا محمد على ردك انت فعلا وضعت يدك على اهم النقط التى تعتبر فيصل فى اتخاذ القرار من عدمة: انا بصراحة من رأي حضرتك و انا اميل للسيارة GAC J5 و علشان كدة انا ذهبت لمعرض هورس موتورز بنفسى و قابلت مدير المبيعات و تقريبا اسمة الاستاذ خالد عبد الفتاح، و وجدت ان كلامك صحيح تتصور لايوجد اى سيارة للعرض حتى لا يوجد بروشور او اى معلومات مطبوعة و الراجل معندهوش اى ردود مقنعة على اسئلتى و مش عارف امتى العربية ممكن تكون متوفرة و كل اللى قدر يعملة انة اخد منى رقم موبايلى و وعدنى انة يتصل بيا لما تتوفر معلومات بس طبعا انا شبة متاكد انة مش هيتصل.
علشان كدة طلعت على طول على معرض جيلى غبور فى احمد عرابى و قابلت الاستاذ مينا اسكندر و ياه على الفرق فى المعاملة الناس دول عارفين اذاى يسوقو كويس للعربية و عندهم كل الاجابات و كمان الاهم ان فى عربيتين فى المعرض تقدر تفصصهم حته حته و انا ركبت نفس العربية اللى حضرتك متصور فيها و بصراحة مش قادر ازيد على وصف حضرتك هى فعلا تحفة بكل المقايس، لكن من وجهة نظرى المتواضعة انا شايف ان فى نقطتين مختلفتين عن مثيلاتها خارج مصر اولا التابلوه قديم موديل 2010 مش زى موديل 2012 و الجنوط 15 بوصة مش 16 بس دة لا يقلل من قيمة السيارة مقارنة بمزاياها الاخرى.
انا نويت باذن الله على شراء هذة التحفة بس هستنى شوية علشان اقدر اجمع تمنها و ارجو من حضرتك انك تستمر و توافينا بالتطورات الخاصة بالتسليم و انا فى انتظار اول تقرير مصور من حضرتك بعد استلامك للسيارة ان شاء الله علشان توضح لنا باسلوبك الجميل دة الايجابيات و السلبيات اللى ممكن نتفاداها عند شرائنا ليها و اول قيادة ليها.
و الف مليون مبروك عليك جميلة الجميلات