[عصام غنايم]

السلام عليكم ورحمه الله وبركاته عصام باشا الموضوع بتاعك خلاني ادور ع النت عن ال ارما فلكس وانا بدور لقيت ماده تانيه عبارة عن الواح بيوتومين اعتقد انها زي البلاستيك الخفيف كده ودي بيستخدموها كماده لعزل الارضيات وفي منها عليه طبقه المونيوم ودي استخدموها ف السقف شوف الرابط ده كده http://bitumensheets.blogspot.com/ فلو نعرف هل الماده دي متوفره ف مصر وفين وبكده نبقى قللنا شوية من اثار المياه والبارومه ف العربية

بص يا صاحبى

مش كل عازل ينفع فى العربيه

ليه ؟

لأن العربيه كتله متحركه وتتعرض للكثير من الضغوط التى تؤدى الى تحرك اجزائها على بعض

لو مواد الأجزاء دى مش متناسقه معبعضها تبدأ فى اصدار اصوات مزعجه مجهولة المصدر

لذلك انا لا اؤيد نهائى فكرة البوتامين او الواح البلاك بوش معدنى لأنها تصدر اصوات خرفشه اثناء حركة السياره

لذلك لو تلاحظ لما حط الواح البوتامين ذات الظهر المعدنى تحت فرش الأبواب عزلهم تانى بطبقه رقيقه من الأرما فليكس او من ماده مشابهه حتى يتجنب الأصوات

بالنسبه للعنوان

السبتيه \ ميدان الحنفيه \ خلف الجنينه \ شركة العوازل الحديثه

والمكان ده فيه كذا شركه شغاله فى مواد العزل بجميع انواعها ممكن تختار من هناك اللى يناسبك

اى خدمه وتحت امرك فى اى استفسار