السلام عليكم ورحمة الله
يا جماعة و الله اسبرانزا كانت احد الامثلة و لكن ينضم الي ذلك سيارات اخري ارتفع سعرها بشكل يخلي الواحد يشد في شعره و ان كانت لا تصنع محليا و منها مثلا " بي واي دي fo و ماروتي و سيلاريو اللي سعرها بقه يضحك.
من الواضح ان عملية النصب لا تقتصر فقط علي توكيلات السيارات في مصر و لكن تمتد لتشمل المعارض ايضا - و هضرب مثال علي احد الشركات الكبري وبالتاكيد كتير عرفها قبل حتي ما اذكر اسمها :
"المصرية للسيارات"
الشركة المحترمة من فترة قصيرة كانت نشرت اعلان كالعادة في ملحق السيارات بالاهرام بأن لديهم تقسيط مباشر - طبعا مكدبتش خبر واتصلت - ترد عليا واحدة محترمة في خدمة العملاء و تقوللي يافندم مفيش عندنا حاجة اسمها تقسيط مباشر و كله تبع البنك - رديت و قولت " امال انتو حطين اعلان 5 متر " في جريدة الاهرام النهاردة ليه و بتقولو بالبنط العريش تقسيط مباشر ؟ - تقوم تقوللي - طيب معلش ممكن حضرتك تشرفنا في اقرب فرع ليك . طبعا الرد كان " شكرا مش ممكن طبعا "
المشكلة انه اصبح الان هناك سباق بين الكوري و الصيني - ازاي - الصيني عمال يرتفع سعره بدون مبرر - و بالتالي الكوري ايضا يرتفع سعره لان طبعا لازم يكون فيه فارق كبير بين الكوري و الصيني - وطبعا المسئول عن هذه المعادلة الحقيرة هي توكيلات السيارات - افضل مثال علي هذه المعادلة هو السيارة اي تن - اللي سعرها عدي - و كمان بيكانتو اللي بقت فوووووق
اخيرا - فعلا وكلاء السيارات في مصرهم نموذج للفساد الذي نرجو من الله ان يخلصنا منه اينما كان.
اسف للإطالة
