اعتذر عن التاخير فى الرد وشكراً لجميع المشاركين وبإذن الله هرد على جميع الاستفسارات تباعاً
المشاركة الأصلية كتبت بواسطة us_ahmedsamir
الاخ العزيز ابو نورا
كل سنة وانتى طيب انا عندى سؤال وياريت تردلى علية , انا عندى عربية برايد 2000 سيدان وبتستهلك بنزين كتير جدا يعنى انا مشوارى كل يوم حوالى 100 كيلو رايح جاى وبفول العربية كل يومين ورحت لمكانيكية كتير ومفيش فايدة السؤال بقى انى انا بحط بنزين 92 هل ينفع انى احط بنزين 80 على اساس انها كاربرتير ولا دة يبوظ موتور العربية
انا اسف على الاطالة بس يارت ترد عليا
وشكــــــــــــــــــــــ ــــــــــــرا
|
طيب عربية حضرتك اوتوماتيك ولا مانيوال واستهلاكها قد ايه بالظبط دلوقتى ؟
بالنسبة لاستخدام وقود 80 لو هى كرابراتير و مانيوال ممكن تحط 80 مع القيادة الهادئة وتغيير الزيت فى ميعادة وصيانة دورة الوقود بشكل دورى مش هيعمل مشاكل
لكن الانجكشن ميتحطلوش الا بنزين 90 - 92 لانه مصمم للوقود الخالى من الرصاص بالاضافة الى ان نسبة الانضغاط اعلى وان كان ممكن يمشى ببنزين 80 بس مش دائماً يعنى اذا فيه ظروف مره فى الشهر ماشى مش هتقول لاء
المشاركة الأصلية كتبت بواسطة semoo2008
السلام عليكم انا رأيي ان العربية البريد غير امنة تماما لأنى مربها مجد ما تجيب 100 تلاقى الدريكسون بيترج كتير و تبقى العربية عايمة و صعبة التحكم ابسط الاشياء عند تخطى سيارة نقل او مقطورة فى الحالة دى بتكون فى صعوبة كبيرة جدا و عاوزة مهارة و دقة و خبرة خاصة مع السيارة البيريد و دة عن تجربة شخصية جدا و بالنسبة لأستهلاك البنزين فا هو عالى جدا لكن بصراحة قطع غيارها موفرةجدا و رخيصة و كمان موش محتاجة التوكيل فى التصليح علشان هى بسيطة جدا فى مكوناتها و الميكانيكية بيفهمولها كويس قوى علشان هى تشبة لسيارات الثمنينات دة كل ما استطيع ان اقولة عنها و لو حد هيفكر يشرتريها فا يفكر فى ينو لوجان افضل الحلول و منها بيبدأ من 55.000 للمانيوال
|
لو فيه رجه فى الدريكسيون بعد ال 100 اكيد فى مشكلة فى الترصيص او الكاوتش لكن العربية بتجيب لحد 160 زى اى عربية
وموضوع استهلاك البنزين ده اكيد مشكلة فرديه لان موتور المازدا B3 ده المستخدم فى البرايد والمازدا 121 والفورد فيستيفا موتور اقتصادى فى استهلاك البنزين جداً بشهادة العالم كله
اما مقارنتها باللوجان فهى فهى اكيد مش متوازنه لاختلاف السعر والتجهيزات بين الاتنين
انا واحد من الناس ميهمنيش وجود ايرباج فى مقابل وجود تكييف وزجاج كهرباء حتى ولو امامى بس ويهمنى جدا ان اسعار قطع غيارها تكون متوفره فى كل مكان جديد ومستعمل باقل اسعار مع سهولة الصيانة فى اى مكان
واكيد فى غيرى ممكن يدفع فلوس اكتر علشان ايرباج او تصميم احدث
المشاركة الأصلية كتبت بواسطة egyptawy
طيب برايد العصفورة احسن ولا فيات اونو
|
الاتنين فى نفس المستوى تقريباً والاهم هو فرق الحالة فى مقارنة المستعمل