[الهولندى الطائر]

معظم البطاريات اخوات اولاد وبنات
سايلة جافة

مش هتفرق كثير فى جودة المنتج

المنبع او المصدر واحد

والحدوته من البداية

مستورد طماع او جشع
بيروح الصين

يشترى أردأ انواع البطاريات ويشحنها علينا واحنا بقى الضحية

وفيه دلوقتى شغل على كبير

والاغرب ان حتى الصين بقى فى مصانعها هليبة وقليبة وكروته وشقلبظات على حساب المنتج وسمعة الصين

يقوله بطارية دى بكام خبيبى الصينى يقوله ال 1000 حبايه ب كذا

المصرى باشا المستورد يقوله لا كثير انا لسه هشحن وجمارك وثورة وشهداء ودنيا ومولد

رخص شوية

يقوم يقوله خلاص
نقلل سمك الواح البطارية ونقلل من مادة كذا ونقلل من جسم البطارية عند التصنيع



يعنى يقلل فى الخامات ويخالف المواصفات علشان ينزل السعر شويه

فى السعودية فيه ناس فقست الحكاية دى لما لقوا البطاريات بتبوظ بسرعة

وسابوها وراحوا دلوقتى على الكورى والاندونيسى

لان فى امريكا البطارية بتقعد 5 سنين

ما تتخضش أيوه ده صحيح مش كلامى والله

لكن عندنا فى الشرق الاوسط ما عدا اسرائيل بتقعد 3 سنين

وفى شبر الخيمة والشرابية بتقعد سنتين

وفى الزمالك وجاردن سيتى بتقعد سنة واحدة

والسبب

هو قلة ضمير الصينى وجشع المصرى واستغلال الموزع

بناخد بطارية غير مطابقة للمواصفات

واللى عايز يعرف اكثر يجيب كتالوج بطارية او او يسال عن بطاريات الاتحاد الاوروبى وبطاريات امريكا

ويقارنها بالبطاريات المصرى اللى عامله زى البخت

انت وحظك

يا اشتغلت معاك سنتين بالعافية يا عطتك بالبونيه من اول شهرين

....( ده غير انفاق البطاريات المضروبة فى العزب والنجوع وورش وكفور مصر

اللى بيتعاد فيها تصنيع البطارية

وترجع جديدة ويتلصق عليها استيكر أصلى

وسيادتك تاخدها وانت مغمض وهى فى الحقيقة مش بنت بنوت



ربنا يخلى الزباين

اللى عمرهم ما اتجمعوا واعترضوا ولا قالوا حتى آآآآآآآآآآآآآآآآه زى عادل امام فى الفيلم

والله

لو كلنا ايد واحدة وقاطعنا البطاريات المضروبة الغير مطابقة للمواصفات لنزلت سعر البطارية لنصف الثمن وأكثر

لكن نقول ايه

بلد ما هياش بلد

جزر متناحرة

او قول

بلد نامية ( بامية ) وملوخية وبطيخ

وعجبى

....( واحترم كل من خالفنى فى الرأى )