اولا الف مبروك العربيه الجديده وربنا يكفيك شرها
و ما تقلقش طالما العربيه الجديده امشي بيها و انت مطمن
و مافيش اي مصائب ان شاء الله
بس دايما تاخد بالك من المطبات لان العربيات الواطيه بتتأثر من المطبات
و اهم حاجه عينك دايما علي لمبه الزيت و امبير الحراره
لو لمبه الزيت نورت و انت ماشي تقف فورااااااااااااااا
و اوعي تمشي بالعربيه لان دا حيجيب اجل الموتور في لحظات
و امبير الحراره او لمبه الحراره لو نورت او لو الامبير زاد عن المعدل الطبيعي تقف فورا
و لمبه الدينامو لو نورت و انت ماشي معناها ان السير اتقطع او اي مشكله حصلت في شحن البطاريه برضه تقف.
باختصار اي لمبه حمراء تنور قدامك في التابلوه تقف فورا
وربنا ما يجيب لمبات حمرا
و قبل ما تسافر اهتم بقياس مستوي ضغط الهواء داخل الاطارات .
اشتري غطا للعربيه و غطيها بالاستمرار بالليل علشان الندي و لو راكنها في الشمس برضه
غطيها علشان تحافظ علي الدهان من اثار الشمس
و ربنا يسترها معاك دايما