[محمد عبد الفتاح الكومى]

السلام عليكم الجمع الكريم أعضاء مصر موتورز عامة والمتخصصين خصوصا
بإختصار إشتريت من صيدليه \\\ مصل للإنفلوانزا \\\ الموسميه علشان أديه لأحمد إبنى 3 سنوات ونص للوقايه من نزلات البرد فى موسم الشتاء قدر الإمكان لأنه عنده حساسيه على صدره زى ما قالولى وبيكح بإستمرار حتى لو ماعندوش برد فما بالكم لما بيجيله البرد ( سلمكم الله وعافاكم ) المهم الصيدلى قالى وهو غير متأكد إنه بيتاخد يقصد المصل يعنى تحت الجلد وقالى اديله نص الجرعه فقط علشان سنه صغير ... للتأكيد ذهبت لصيدلى اخر فى صيدليه اخرى فقالى لأ إديله المصل كله مش نصه وكمان فى العضل مش تحت الجلد ... الرجاء من سيادتكم سرعة الرد والإفاده لإنى حتى الان لم أعطه للولد لأنى اصبحت غير متأكد من الجرعه ولا من كيفية تناول المصل .. وللعلم فنوعه (VAXIGRIB ) والولد لم يتناول مصل الانفلوانزا من قبل ...
ولسيادتكم جزيل الشكر