[فادى]

بما اننى لا أميل لاختيار السيارة على أساس سعر اعادة البيع, فأنا شايف انو اللينيا خيار جيد جدا فى هذا السعر,
البدائل كلها تنحصر بين اللانسر البومة و السيراتو و الالنترا, و كلهم أقل متعة و جودة من اللينيا, و طبعا أقل فى البرستيج, و أقل فى الأمان و العمر الافتراضى.
حاليا المستعمل كله واقع نظرا لانتشار أنظمة التقسيط المريح جدا جدا, و الناس كلها بقت تشترى زيرو, أعتقد ان الوضع ده هيستمر و هنشوف أنظمة تقسيط أكثر تساهلا, و بالتالى هيستمر سعر المستعمل فى النزول, و هتلاقى انو الفرق بين اللينيا و الكورى أو اليابانى المستعمل بعد 4-5 سنين لا يتعدى الألف أو الالفين و هو فرق لا يستحق التفكير فيه.
لذا فاننى لا أميل لموضوع تقييم السيارة بحسب سعر اعادة البيع, لأن توقعى انو كل المستعمل هيقع بعد كام سنة و هيبقى من غير سعر.
بالنسبة لقطع الغيار فهى فعلا لا تتوفر غير فى التوكيل, و حسب ما سمعت فان توكيل أوماترا خدمته جيدة و مريحة حتى الأن, لكن لا تنسى ميزة مهمة جدا, أن اللينيا تتشارك مع الجراند بونتو معظم المكونات الميكانيكية, و هى سيارة بدأت فى الانتشار بشكل كبير, و أكيد هتلاقى اللينيا بتتشارك حاجات كتير مع سيارات أخرى من فيات, و هى عادة لدى فيات من زمان.