كذا مره بنقول يا جماعه لو حد بيعمل حاجه فى العربيه عند ميكانيكى وكهربائى لو سمحت اشتغل صبى معاه اه والله مش بهزر ومتقرفش لو ايدك جه عليها شحم واتوسخت ومتقرفش لو قالك شد بنزين من التنك بتاعك
وحاول ايدك تبقى على ايده فى كل حاجه ولو بتشتغلوا بليل مفيش معتقدش ان حاجه هتحصل لو مسكت البلدوز بايدك ونورتله وتشوف فى نفس الوقت بيعمل ايه
على فكره لو عملت الحاجات اللى فوق ديه صعب جدا يضحك عليك و هتتعلم كويس جدااا بعد كدا يمكن فيه حاجات كتير مش هتحتاج تروح عند ميكانيكى تعملها لانك انت اللى هتعملها بنفسك مش حد تانى وبمعنى اخر
هتبقى برنس فى العربيات
بس لو الميكانيكى قالك اقعد بس ياباشا واتفضل على الكرسى
للاسف ممكن الشغل يتعمل غلط وهتفضل طول عمرك باشا لاتفقه شىء فى مجال العربيات ولو العربيه عطلت منك على الطريق وكان عطل صغير للاسف مش هتعرف تصلحوا