رد: كورولا بالريال السعودى
السيارة في دول الخليج وأمريكا وأوروبا أرخص من مصر
يمكن الحكومة بتعمل كده مخصوص فينا ..عشان تحمي صناعة السيارات المصرية في مواجهة الدول الأخري المنافسة مثل المانيا ..وإيطاليا ..واليابان ..وكوريا ..
ولايمكن جهابذة الحكومة فكروا بدل مايعمل مصنع سيارات لإنتاج سيارة مصرية وتكلفه هذه الصناعة مليارات ..طيب ماهو ممكن يجيب ثمن السيارة و الضعف أحيانا ..من غير ما الحكومة ماتصرف ولا مليم ..بلطجة يعني
ولا يمكن هما حاسين إن المصري ده كبيره ..يركب (حمار) ..ولا يتشعبط في أتوبيس (معفن) من أتوبيسات الهيئة ..وإلي مستعجل يركب( ميكروباظ)
وبعدين الحكومة لم تقصر ..جابت لنا (تكاتك) برخص التراب ..ليه بقي الإفترا ده
إحنا يعني هنقارن نفسنا بالبني أدمين إللي عايشين في الدول إللي حوالينا ؟؟؟
الحكومة عندها قناعة تامة (إن المصري لو لبس كويس ..وأكل كويس ..وركب كويس )..ممكن يتبتر ..عشان كده راسها وألف سيف ..ليفضل (المصري) ..( يلبس بالعافيه ..وياكل بالعافية ..ويركب بالعافيه )
إللي يغيظ بجد .. إنك تروح (مارينا ) في الصيف ..ومارينا دي 90% من سكانها من كبار رجال الدولة ..سياسيين وموظفين كبار ..تلاقي ..عربيات قدام الفلل ..من 300000 وطالع ..طب بإمارة إيه وإنتم موظفين دولة
ملحوظة : الجمارك غير دستورية لو محامي شاطر يرفع قضية
إزاي تدفع ضريبة علي الجمرك ...
ضريبة علي الضريبة ..عجبي عليك ياشعب مصر
التعديل الأخير تم بواسطة طارق السباعي ; 20-09-2009 الساعة 12:01 AM
سبب آخر: تعديا الخط
|