السلام عليكم ورحمة الله وبركاته
دلوقت المشكلة كلها انى عاوز احط مايه خضرا للاكسيل بدل ماية الحنفية اللى فيها
بس الحكاية كلها انى جربت نفس التجربه ديه مع ال 128 واللى حصل ان ردايتير ال 128 بقى عبارة عن مصفى المايه بتنزل منه من كل حته
هو يدوب حطيت الماية الخضراء من هنا وهوب بعد اسبوع واحد او اقل الردايتير بقى مخروم من كل اتجاه من هنا
ومتسدش تانى غير بعد ما بقيت احط ماية حنفية تانى وبعد فترة بطل ينزف مياه تانى
فانتم ايه نصيحتكم ليا احط ماية خضرا ولا بلاش مع العلم ماية الردايتير لونها بنى وذلك يدل على الصداء اكيد
فأيه رائيكم نحط ولا بلاش
واكيد انا لما هحط ماية خضرا هتكون موبيل اصلية
بس زى ما قولتلكم خايف اعمل كدا الاقى الردايتير نقط من كل اتجاه
مستنى رئيكم