رد: ايه الاحسن كورولا ولا جيتا ولا اوكتافيا؟؟؟
الاخوه الاعزاء.... مع احترامى لجميع الاراءالسابقه . لكن المفروض اللى عنده معلومه يقدمها بموضوعيه... اعتقد واقول اعتقد.... التويوتا تكسب فى التكييف ونعومة الموتور وقله الصيانه والتوكيل الجيد يعنى بمعنى اصح لو عايز تريح دماغك من الصاينه وقطع الغيار واستهلاك بنزين اقل تبقى التويوتا..... وعلى فكره التويوتا 2012 كلها يابانى وتختلف تماما من حيث الجوده ومشاكلها عن الموديلات السابقه الجنوب افريقى
اما الجيتا فموتورها تربو يعنى لازم بنزين 95 والالمانى له طبيعه خاصه يعنى تكيفها حلو لكنه ليس مثل التويوتا وممكن تكون التكنولوجيا فيها اعلى يعنى صيانه اكثر تعقيدا من التويوتا بالاضافه الى مشاكل الفتيس والله اعلم على ماسمعت ( وليس عن تجربه ) وكمان قطع غيار اغلى وتكاليف صيانه اعلى اما الفانتازيا فى تشبه الجيتا ولكن الموتور عادى 1600 سى سى وليس تيربو ويقال انه هو نفس موتور الجيتا القديمه واعتقد العفشه انشف من الجيتا والتويوتا ولثقل وزن العربيه يعطيها ثبات فى السرعات العاليه واعتقد ايضا ان الاسكودا هى الاعلى عن الارض
فى الاخر لو بتدور على حاجه عمليه واعطال قليله وتكلفة صيانه اقل تبقى التويوتا
لو بتدور على المنظر والبريستيج ومش مهم التكاليف وتعب التوكيل تبقى الجيتا وبعدها الفانتازيا
|