المشاركة الأصلية كتبت بواسطة waelsalah
السلام عليكم
هل فى التليين مطلعشى مطالع وكبارى؟ ولا عادى بس بسرعة قليله ؟
وكام كم تليين ؟ وطريقة التليين من فضلكم ؟ امشي على سرعه كام ؟ وغيار كام ؟ وانقل الغيار على كام rpm ?
وشكرا
|
لا اطلع عادي مفيش مشكله وعلي سرعه متوسطه مفيش اي مشاكل
بالنسبه للتليين في الفيرنا 1000 كيلو وبتروح التوكيل وبتنزل الزيت ده عشان رايش المكنه
بالنسبه للتليين متعديش سرعة 100 والغيارات براحتك بس حاول الاغلب يبقي تالت ورابع ولو طريق مفتوح خامس مفيش مشاكل
والنقل مبين 2 ونص و3 ونص
والتكييف لو محتاجه اوي ممكن تشغله ربع ساعه وتريحه ربع ساعه
مكدبش عليك انا وصلت ل 420 كيلو ومستحملتش جبت ال 170 :D بس في اللوجان الزيت بيعد ل 10 الاف كيلو وبيقولو المكنه متلينه بس اهدي عليها في الاول
لكن في الفيرنا طالما لازم ينزل الزيت في الالف الاولي فالتزم ياريت بالتعليمات حفاظا علي الموتور مش اكتر
المشاركة الأصلية كتبت بواسطة waelsalah
ولا يهمك يا ابو حميد
الاهم انك تكون بخير دايما يارب
بسمع صوت زى التربو بس اوطى منه ومبيعلاش
والجديد بقا صوت زى ونة الدينامو فوووووو بس مبتعلاش
ده طبيعي خصوصا مع التليين ولالا ؟
فرامل الفيرنا بتسحف ومطمنش
علما بانى مبجريش وجوه البلد اصلا لو جبت سرعة 60 يبقي كتير كمان ؟
بس لما بحتاج الفرامل فجاة مش كفئ 100 %
هل في حلول اعملها ؟
وشكرا جزيلا
|
كان في موضوع هنا في المندي عن تغيير طنابير وفرامل الفيرنا لالنترا 2006 حبقي ادورلك عالموضوع ده واجيبهولك ان شاء الله
وخلي بالك فعلا لان فراملها وحشه اوي عشان خفيفه
المشاركة الأصلية كتبت بواسطة nsamooo
لو سمحت ممكن اسأل عن الفتيس الاوتوماتيك للفيرنا زيرو , انا عرفت انه فتيس الماتريكس , بس بسأل لو حصل مشكلة فيه هينفع اشتري فتيس كامل استيراد لأني عرفت ان سعره غالي جدا في التوكيل , ولو استيراد هيكون في حدود كام , اخر سؤال لو قدرت اشتري فتيس استيراد هيكون تركيبه عند التوكيل ولا في مراكز متخصصة لأني بسمع ان الاوتوماتيك مش اي يعرف يركبه كويس وعلى فكرة انا من الاسكنرية
|
يباشا انت بتتكلم في عربيه زيرو يعني ضمان 100 الف كيلو او 3 سنين
يعني لاقدر الله لو حصل حاجه في الفتيس مش حتدفع ولا مليم وهم ملزمين يغيروه ؟
هو احنا بنفكر نركب زيرو عشان ندور علي انهي ميكانيكي حيعرف يصلك ولا عشان راحة البال
وعموما متقلقش ورش اللي بيشتغلو في الفتيس الاوتو كترت اوي وان شاء الله حتلاقي كل حاجه متوافره
وناس كتير بتشكر في الاوتو بتاع الفيرنا